Dornaxzol – Novator Pharma

DORNAKSZOL 4 mq/5 ml infuziya məhlulu hazırlamaq üçün konsentrat
DORNAXZOL

Beynəlxalq patentləşdirilməmiş adı: Zoledronic acid

Tərkibi
Təsiredici maddə: 1 flakonda 4 mq zoledron turşusuna ekvivalent 4,264 mq monohidrat zoledron turşusu vardır.
Köməkçi hissələr: mannitol (E 421), natrium tiosulfat, inyeksiya üçün su.

Təsviri
Rəngsiz, şəffaf məhluldur.

Farmakoterapevtik qrupu
Bifosfonatlar.

ATC kodu: M05BA08.

Farmakoloji xüsusiyyətləri
Farmakodinamikası
Sümük rezorbsiyasını inhibə edir. Osteoklastların aktivliyini inhibə edir. Zolendron turşusu sümük toxumasının rezorbsiyasını inhibə edir və bu zaman sümüyün formalaşmasına, mineralizasiyasına və mexaniki xüsusiyyətlərinə mənfi təsir göstərmir. Sümük toxumasının osteoklast rezorbsiyasının inhibə olunması şiş hüceyrələrinin ölçüsünün kiçilməsinə səbəb olur, antiangiogen və ağrıkəsici aktivlik qeydə alınır. Zolendron turşusu həmçinin insanın endotel hüceyrələrinin proliferasiyasının qarşısını alır. Şiş xəstəliyi zamanı baş verən hiperkalsiemiya zamanı qan zərdabında kalsiumun konsentrasiyasını azaldır. İn vitro zolendron turşusu süd vəzisinin xərçəng hüceyrələrinin ekstrasellülar matriksə keçməsini azaldır və beləliklə antimetastatik xüsusiyyət göstərir.

Farmakokinetikası
Farmakokinetik parametrləri dozadan asılı deyil. İnfuziyaya başladıqdan sonra qanda konsentrasiyası tez bir zamanda artaraq, infuziyanın sonuna yaxın Cmax –a çatır. Sonra qanda konsentrasiyası 10% düşərək, 4 saatdan sonra maksimal konsentrasiyanın 1%-ni təşkil edir. Sonrakı 24 saat ərzində maksimum konsentrasiyanın 0.1%-dən az bir hissəsini saxlayır. Plazma zülalları ilə birləşməsi – 56% təşkil edir. Metabolizmə uğramır. Böyrəklər vasitəsilə dəyişilməmiş halda 3 fazada xaric olunur: 1 və 2-ci fazada preparatın qandan sürətli xaric olması baş verir, müvafiq olaraq T_1/2 – 0.24 saat və 1.87 saat, 3-cü faza daha uzun sürür T_1/2 – 146 saat. Hər 28 gündən bir preparatın təkrar təyini zamanı kumulyasiya qeydə alınmayıb. İlk 24 saat ərzində sidikdə 23-55% aşkar olunur. Preparatın qalan hissəsi sümük toxuması ilə birləşir, bundan sonra yavaş-yavaş ümumi qan dövranına daxil olur və böyrəklər vasitəsilə xaric olur. 3%-dən az hissəsi nəcislə xaric olur. Ümumi plazma klirensi 2.54-7.54 l/saatdır. Bu preparatın dozasından, xəstənin irqi mənsubiyyətindən və bədən çəkisindən asılı deyil. Ağır böyrək çatışmazlığı olan xəstələrdə (KK 50 ml/dəq) və mülayim böyrək çatışmazlığı olan xəstələrdə (KK 50 ml/dəq) zolendron turşusunun klirensi KK 84 ml/dəq olan insanların qanındakı preparatın klirens göstəricisinin 37 və 72%-ni təşkil edir.

İstifadəsinə göstərişlər

sümüklərə metastazları olan yayılmış bədxassəli törəmələri olan yetkin xəstələrdə sümük ağırlaşmalarının (patoloji sınıqlar, onurğa beyninin sıxılması, sümüklərin şualanması yaxud sümüklər üzərində əməliyyat və ya şiş hiperkalsiemiyası) profilaktikası;
şiş hiperkalsiemiyası olan yetkin xəstələrin müalicəsi.

Əks göstərişləri
Əgər aşağıda qeyd olunan hallar mövcud olarsa, DORNAKSZOL -dan istifadə etməyin:

Xəstələrin məlumat vərəqəsinin birinci səhifəsində yer alan Zoledron turşusuna, digər bifosfonatlara (DORNAKSZOL -un aid olduğu substansiya qrupu) və ya DORNAKSZOL-un istənilən digər komponentlərinə qarşı allergiyanız var;
Hamiləsiniz; Süd verən anasınız.

Xüsusi göstərişlər və ehtiyat tədbirləri
Ümumi
DORNAKSZOL-un istifadəsindən əvvəl böyrək funksiyasının yüngül və mülayim pozulmaları olan xəstələr daxil olmaqla bütün xəstələrin kifayət qədər hidratasiyasına nəzarət etmək lazımdır. Ürək çatışmazlığının əmələ gəlməsinin riski olan xəstələrdə hiperhidratasiyadan çəkinmək lazımdır. Aluminium korreksiyalı zərdab kalsiumu, fosfor və maqneziumun, həmçinin zərdabda kreatininin səviyyəsi kimi hiperkalsiemiya ilə bağlı standart metabolik parametrlər DORNAKSZOL preparatı ilə müalicəyə başladıqdan sonra diqqətlə yoxlanmalıdır. Əgər hipokalsiemiya, hipofosfatemiya və ya hipomaqneziemiya baş verərsə, o zaman qısamüddətli əlavə müalicə lazım gələ bilər. Müalicə olunmamış hiperkalsiemiyalı xəstələrdə müəyyən qədər böyrəklərin funksional pozğunluğu olur, ona görə də böyrək funksiyalarının hərtərəfli monitorinqinin aparılması zəruridir.

DORNAKSZOL ilə müalicə qəbul edən xəstələr digər bisfosfonatları eyni zamanda qəbul etməməlidir.

DORNAKSZOL-un istifadəsinin təhlükəsizliyi və effektivliyi kəskin natamam osteogenez olan böyüklərdə bu günə qədər müəyyən olunmayıb. Klinik tədqiqatlar zamanı DORNAKSZOL-un qəbulu ilə bü cür halların olmamasına baxmayaraq, asetilsalisil turşusuna qarşı həssaslığı olan asmatik xəstələrdə bisfosfonatların qəbulu zamanı bronxokonstriksiya haqqında məlumat qeyd olunmuşdur.

Böyrək funksiyasının pozulmaları
Bədxassəli şişlə əlaqədar hiperkalsemiyalı böyük xəstələr və böyrək çatışmazlığının mövcudluğu DORNAKSZOL ilə müalicə zamanı əldə ediləcək potensial faydanın mümkün risk faktorlarından üstün olduğu nəzərə alınaraq diqqətlə dəyərləndirilməlidir. Sümüklərində metastaz olan xəstələrin müalicəsi üçün qərar verildiyi zaman bel sümüyü ilə bağlı halların qarşısını almaq üçün nəzərə almaq lazımdır ki, müalicənin effekti 2-3 aydan sonra başlayır. Bisfosfanatların istifadəsi ilə əlaqədar olaraq böyrəklərin disfunksiyası barədə məlumatlar olmuşdur. Böyrək funksiyasının pozulmasını artıran faktorlara – dehidratasiya, böyrək funksiyalarının əvvəllər mövcud olmuş pozğunluqları, DORNAKSZOL-un və ya digər bisfosfonatların çoxsaylı müalicə kursları, həmçinin nefrotoksik dərman vasitələrinin istifadəsi və ya hazırda lazım olduğundan daha qısa müddətdə infuziyanın aparılması aid edilir. Baxmayaraq ki, DORNAKSZOL-u 4 mq dozada 15 dəqiqədən az olmayan müddət ərzində yeritdikdə risk azalır, böyrək funksiyalarının pisləşməsi mümkündür. DORNAKSZOL preparatının birdəfəlik və ya ilkin dozasının təyinindən sonra dializ və böyrək çatışmazlığı kimi böyrək pozulmalarının proqressivləşmə hallarına rast gəlinmişdir. Həmçinin bel sümüyü ilə bağlı simptomların əmələ gəlməsinin qarşısını almaq üçün preparatı tövsiyə olunan dozalarda xronik olaraq qəbul edən bəzi xəstələrdə nadir hallarda zərdabda kreatinin səviyyəsinin yüksəlməsi müşahidə olunur. DORNAKSZOL-un hər dozasını qəbul etməzdən əvvəl xəstələrdə qan zərdabında kreatinin səviyyəsini qiymətləndirmək lazımdır. Bədxassəli şişlə əlaqədar hiperkalsiemiya halları istisna olmaqla, böyrəklərin yüngül və ya orta dərəcədə funksional pozulmaları olan böyük xəstələrə müalicənin başlanğıcında DORNAKSZOL preparatını aşağı dozalarda təyin etmək tövsiyə edilir. Müalicə vaxtı böyrək funksiyalarının pozulması müşahidə olunan xəstələrdə DORNAKSZOL preparatının qəbulu o zaman bərpa oluna bilər ki, kreatinin səviyyəsi başlanğıc səviyyəsinin 10%-i həddinə qədər qayıtmış olsun. Kəskin böyrək çatışmazlığı olan xəstələrdə DORNAKSZOL preparatının təhlükəsziliyi və farmakokinetikasına dair məlumatların məhdud olmasını nəzərə alaraq, bu xəstələrə DORNAKSZOL preparatının qəbulu tövsiyə edilmir. Həmçinin DORNAKSZOL da daxil olmaqla bisfosonatlarla müalicə alan xəstələrdə böyrək pozulmalarının inkişaf riski mövcuddur. Klinik tədqiqatlarda zərdab kreatinin səviyyəsi ≥400 mkmol/L və ya ≥4.5 mq/dL hiperkalsiemiyası şiş tərəfindən gücləndirilən xəstələr və ≥265 mkmol/L və ya ≥3.0 mq/dL uyğun olaraq digər xəstələr kəskin böyrək çatışmazlığı olan xəstələr kimi müəyyən edilmişdilər. Farmakokinetik tədqiqatlarda, kəskin böyrək çatışmazlığı olan xəstələr kreatinin klirensi < 30 mL/dəq kimi müəyyən edilir. Böyrək çatışmazlığı olan pediatrik xəstələrdə DORNAKSZOL preparatının təhlükəsizliyi öyrənilməmişdir.

Qaraciyər funksiyasının pozulması
Ağır qaraciyər çatışmazlığı olan xəstələr üçün klinik məlumatlar məhdud olduğundan bu kateqoriyadan olan xəstələr üçün heç bir tövsiyə verilə bilməz.

Çənə sümüyünün osteonekrozu
Əsasən müalicə sxeminə bisfosfonatlar, o cümlədən DORNAKSZOL daxil edildiyi onkoloji xəstələrdə çənə sümüyünün osteonekrozu barədə məlumat verilmişdir. Xəstələrin əksəriyyəti, həmçinin kimya-terapiya və kortikosteroid müalicəsi almışdır. Bir çoxlarında, osteomielit daxil olmaqla, yerli infeksiya əlamətləri olmuşdur. Postmarketinq təcrübələrdə və ədəbiyyat materiallarında çənə sümüyünün osteonekeozu hallarının çoxunun şişin növü (yayılmış süd vəzisi xərçəngi, çoxsaylı mieloma) və stomatoloji statusa (diş çıxarılması, periodontal xəstəlik, yaxşı yerinə oturulmayan protezlər də daxil olmaqla yerli travma) əsasən baş verməsi bildirilmişdir. Xəstələrdə bisfosfonatlarla müalicəyə başlamazdan əvvəl müvafiq stomatoloji profilaktika tədbirləri ilə yanaşı ağız boşluğu gigiyenası kafi olmalıdır. Müalicə zamanı xəstələr imkan daxilində invaziv stomatoloji prosedurlardan çəkinməlidirlər. Bisfosfonatlarla müalicə zamanı çənədə osteonekroz əmələ gələn xəstələrdə stomatoloji əməliyyat vəziyyəti ağırlaşdıra bilər. Stomatoloji prosedurların keçirilməsinə ehtiyacı olan xəstələrdə müalicənin ləğv olunmasının çənədə osteonekrozun əmələ gəlmə riskini azaltmasına dair məlumatlar yoxdur. Həkim klinik qiymətləndirilməni keçirərək, fərdi fayda/risk nisbətinə əsaslanaraq hər xəstə üçün müalicə planına əməl etməlidir.

Digər anatomik nahiyələrdə osteonekroz
DORNAKSZOL da daxil olmaqla, bisfosfonatlarla müalicə alan xərçəng xəstələrində (əsasən böyük yaş qrupu) bud-çanaq oynağı, bud sümüyü (femur) və xarici qulaq kanalı kimi digər anatomik nahiyələrdə osteonekroz halları qeyd olunmuşdur.

Bud sümüyünün atipik sınıqları
Əsasən osteoporoza görə uzunmüddətli müalicə qəbul edən xəstələrdə bifosfonatlarla müalicə zamanı subtroxanter və diafizar bud sınıqların atipik hallarına dair məlumat olub. Qısa və çəp köndələn sınıqların bud sümüyü üzərində sümüyün hər bir hissəsində əmələ gəlməsi mümkündür –kiçik troxanterdən (burma) bir qədər aşağı nahiyədən suprakondilardan yuxarı nahiyəyə qədər. Bu sınıqlar minimal zədədən sonra və ya zədə olmadan əmələ gəlir və bəzi xəstələrdə bud sümüyünün tam sınığı olmadan bir neçə həftə, ay əvvəl çox vaxt kiçik çatların (təkrarlanan gərkinlikdən) radioqrafik görüntüləri ilə əlaqədar bud və qasıq nahiyəsində ağrılar olur. Sınıqlar adətən bilateral olur; mil sümüyünün sınığı olan xəstələrdə DORNAKSZOL ilə müalicə zamanı kontralateral bud sümüyü müayinə olunmalıdır. Belə sınıqların pis sağalması haqqında məlumat var. Bud sümüyünün atipik sınıqlarına şübhə olduğu hallarda DORNAKSZOL preparatı ilə müalicənin ləğv olunması fayda/risk nisbətinin fərdi qiymətləndirilməsinə əsaslanaraq müzakirə olunur. DORNAKSZOL qəbul etmiş xəstələrdə bud sümüyünün atipik sınıqları haqqında məlumat olub, lakin bunun DORNAKSZOL preparatının istifadəsi ilə səbəb-nəticə əlaqəsi müəyyən olunmayıb. DORNAKSZOL ilə müalicə zamanı bud nahiyəsində, çanaq-bud oynağında və ya qasıq nahiyəsində ağrı əmələ gəldikdə xəstələr bu haqda həkimə xəbər verməlidir və bu simptomları olan xəstələr bud sümüyünün natamam sınığının olmasına görə müayinə olunmalıdır.

Sümük-əzələ ağrıları
Postmarketinq tədqiqatlarda DORNAKSZOL da daxil olmaqla bisfosfonatlar qəbul edən xəstələrdə bəzən əlilliyə səbəb ola bilən kəskin sümük, oynaq və/və ya əzələ ağrıları barədə məlumatlar verilmişdir. Simptomların başlanmasına qədər olan vaxt müalicənin başlanmasından sonra bir neçə günlə bir neçə ay arasında dəyişmişdir. Əksər pasiyentlərdə müalicə dayandırıldıqdan sonra simptomların yüngülləşməsi müşahidə edilmişdir. Müalicənin eyni dərman vasitələri ilə və ya digər bisfosfonatlarla bərpa olunması bu kateqoriya xəstələrdə simptomların residivliyinə səbəb olmuşdur.

Hipokalsemiya
DORNAKSZOL qəbul etmiş xəstələrdə hipokalsemiya halları barədə məlumat olub. Ağır hipokalsemiyaya qarşı ikinci dərəcəli olan ürək aritmiyaları və nevroloji əlavə reaksiyaları barədə (qıcolmalar, tetaniya, keyləşmə hissi) məlumat vardır. Bəzi hallarda hipokalsemiya həyat üçün təhlükəli ola bilər. DORNAKSZOL-un hipokalsemiya törədən digər dərman vasitələri ilə yanaşı istifadəsi zaman ehtiyatlı olmaq tövsiyə olunur. Belə ki, bu hal kəskin hipokalsemiya ilə nəticələnə bilər. DORNAKSZOL ilə müalicəyə başlamadan əvvəl zərdabda kalsium səviyyəsi yoxlanmalı və hipokalsemiya aradan qaldırılmalıdır. Xəstələr adekvat şəkildə kalsium və Vitamin D qəbul etməlidirlər.

Digər dərman vasitələri ilə qarşılıqlı təsiri
Əgər siz aşağıda qeyd olunan hər hansı dərmandan istifadə edirsinizsə, siz dozaya diqqət yetirməli və / və ya digər tədbirlər etməlisiniz:
DORNAKSZOL kimi bisfosfanatların aminoqlikozidlərlə və ya kalsitonin və ya ilgək diuretikləri ilə yanaşı olaraq istifadəsi zamanı ehtiyatlı olmaq tövsiyə olunur, belə ki, bu preparatlar lazım olduğundan daha artıq müddətdə zərdabda kalsiumun səviyyəsinin aşağı düşməsinə səbəb ola bilər.
DORNAKSZOL ilə digər potensial nefrotoksik preparatların təyini zamanı ehtiyatlı olmaq lazımdır. Həmçinin DORNAKSZOL-un antiangiogenik preparatlarla yanaşı istifadəsi zamanı ehtiyatlı olmaq tösiyə olunur. Belə ki, bu preparatları yanaşı istifadə edən xəstələrdə çənə sümüyünün osteonekrozu hallarında artım müşahidə edilmişdir.
Klinik tədqiqatlarda DORNAKSZOL daha çox istifadə olunan şiş əleyhinə preparatlar, diuretiklər (ilgək diuretikləri istisna olmaqla), antibiotiklər, analgetiklər ilə birgə təyin edildiyi zaman heç bir qarşılıqlı təsir müşahidə olunmamışdır.
Yüngül və orta böyrək çatışmazlığı olan xəstələr istisna olmaqla DORNAKSZOL-un talidomidlə yanaşı qəbulu zamanı dozada dəyişiklik etmək tələb olunmur. Talidomidin (100 və ya 200 mq-lıq birdəfəlik doza) DORNAKSZOL ( 15 dəqiqəlik infuziya ilə 4 mq-lıq dozanın yeridilməsi) ilə yanaşı qəbulu zamanı çoxsaylı mieloma olan xəstələrdə zoledron turşusunun farmakokinetikası və kreatinin klirensində əhəmiyyətli dəyişikliklər qeyd olunmamışdır.
Əgər siz istənilən təyin edilən və ya edilməyən dərmandan hal – hazırda və ya son zamanlarda istifadə edirsinizsə, zəhmət olmasa, bu barədə həkiminizə və ya əczaçınıza məlumat verin.

Hamiləlik və laktasiya dövründə istifadəsi
Heyvanlar üzərində aparılan tədqiqatlar reproduktiv toksik effektin olduğunu göstərmişdir. İnsanlar üçün olan potensial risk barədə heç bir məlumat yoxdur. DORNAKSZOL hamiləlilk zamanı istifadə olunmamalıdır.
Zoledron turşusunun ana südünə keçməsi barədə heç bir məlumar yoxdur. DORNAKSZOL laktasiya dövründə istifadə edilməməlidir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Başgicəllənmə və yuxululuq kimi əlavə təsirlər səbəbindən preparatdan istifadə zamanı nəqliyyat vasitəsini və digər potensial təhlükəli mexanizmləri idarə edərkən ehtiyatlı olmaq lazımdır.

İstifadə qaydası və dozası
Yeridilməzdən əvvəl DORNAKSZOL-un 4 mq/5 ml konsentratı 0,9%-li 100 ml natrium-xlorid məhlulunda və ya 5%-li qlükoza məhlulunda həll edilir. DORNAKSZOL-un hazır məhlulu birdəfəlik infuziya şəklində minimum 15 dəqiqə ərzində yeridilir.

Dozalanma
Bədxassəli yenitörəmələrin yayılmış mərhələsində olan xəstələrdə sümük toxumasının zədələnməsi ilə bağlı simptomların profilaktikası
Böyüklərdə və ahıl yaşlı xəstələrdə tövsiyə olunan doza 3-4 həftədə bir dəfə infuziya şəklində 4 mq zoledron turşusundan ibarətdir. Xəstə paralel olaraq gündə 500 mq kalsium preparatı və 400 BV vitamin D almalıdır.
Bədxassəli şişlər zamanı hiperkalsiemiya
Böyüklər və ahıl yaşlı xəstələr üçün tövsiyə olunan doza – 4 mq-dır və birdəfəlik infuziya şəklində yeridilir. DORNAKSZOL yeridilməzdən əvvəl xəstənin hidratasiya dərəcəsi müəyyənləşdirilməli və lazım gələrsə, adekvat hidratasiya təmin edilməlidir.
Ayrı-ayrı qrup xəstələrdə dozalanma
Böyrəklərin funksional pozğunluğu olan xəstələr
Bədxassəli şişlər zamanı hiperkalsemiya –nın DORNAKSZOL ilə müalicəsi böyrək funksiyasının ağır pozğunluqlarında fayda/risk nisbəti araşdırıldıqdan sonra təyin edilir. Zərdabda kreatinin səviyyəsi >400 mkmol/l və ya > 4,5 mq/dl-dən yuxarı olan xəstələrdə preparatdan istifadənin klinik təcrübəsi yoxdur. Zərdabda kreatinin səviyyəsi <400 mkmol/l və ya <4,5 mq/dl-dən aşağı olan xəstələr üçün isə dozada dəyişikliklər tələb olunmur.

Bədxassəli yenitörəmələrin yayılmış mərhələsində olan xəstələrdə sümük toxumasının zədələnməsi ilə bağlı simptomların profilaktikası
DORNAKSZOL ilə müalicəyə başladıqda qanda kreatinin səviyyəsi və kreatinin klirensi yoxlanmalıdır. Kreatinin klirensi Cockroft-Gault formulasının köməyi ilə zərdabda kreatinin səviyyəsinə əsasən hesablanır. Müalicədən əvvəl KrKl < 30 ml/dəq-dən az olan ağır böyrək pozğunluqları olan xəstələrə DORNAKSZOL ilə müalicə məsləhət görülmür. Qanda kreatinin klirensi > 265 mkmol/l və ya > 3,0 mq/dl olan xəstələrdə DORNAKSZOL ilə müalicə üzrə klinik tədqiqatlar aparılmamışdır. Müalicədən əvvəl KrKl 30 – 60 ml/dl olan bədxassəli şişlər zamanı hiperkalsemiyası olan xəstələr istisna olmaqla böyrək funksiyaları yüngül və orta dərəcədə pozulmuş xəstələrə DORNAKSZOL müalicəsi aşağıdakı dozada təyin edilir.

Kreatininin klirensinin ilkin səviyyəsi (ml/dəqiqə)	Dornakszolun məsləhət görülən dozası
˃ 60	4 mq zoledron turşusu
50-60	3,5 mq* zoledron turşusu
40-49	3,3 mq* zoledron turşusu
30-39	3 mq* zoledron turşusu

*Doza AUC 0,66 (mqXsaat/l) (KrKl =75 ml/dəq) səviyyəsinə uyğun olaraq hesablanmışdır. Böyrək funksiyası pozulmuş xəstələrdə doza azaldılır – kreatinin klirensinin 75 ml/dəq olan xəstələrin AUC göstəricilərinə müvafiq olaraq.Müalicə başlandıqdan sonra hər dəfə DORNAKSZOL təyin edilməzdən əvvəl qanda kreatinin səviyyəsi müəyyənləşdirilir, böyrək funksiyasının pozulması zamanı müalicə dayandırılır. Klinik sınaqlarda böyrək funksiyalarının pisləşməsi aşağıdakı yolla müəyyən edilir:

zərdabda kreatininin başlanğıc səviyyəsi normal olan (<1,4 mq/dl) xəstələr üçün – göstəricilərin ≥0,5 mq/dl artması.
zərdabda kreatininin başlanğıc səviyyəsi normadan kənar olan (>1,4 mq/dl) xəstələr üçün – göstəricilərin ≥1 mq/dl artması.

Klinik müayinələrdə DORNAKSZOL ilə müalicə kreatininin normal referens göstəricilərinin 10%-ə qədər qayıtmasından sonra bərpa edilmişdir. DORNAKSZOL ilə müalicə təkrar təyin edildikdə, preparat ləğv olunmasına qədər olan dozalarda bərpa olunur.

İstifadə qaydası
DORNAX-ZOL yalnız bisfosfonatların venadaxilinə yeridilməsi üzrə təcrübəsi olan həkimlər tərəfindən yeridilməlidir. DORNAKSZOL konsentratını tərkibində Ringer laktat məhlulu kimi digər ikivalentli kationlar və ya kalsium olan infuziya üçün məhlullarla qarışdırmaq olmaz və ayrıca infuzion sistemin istifadəsi ilə birdəfəlik infuziya şəklində 15 dəqiqədən az olmayaraq yeritmək lazımdır. DORNAKSZOL-un yeridilməsindən əvvəl və sonra xəstələr yetərincə hidratasiya olunmalıdırlar.

DORNAKSZOL dozasının azaldılması üçün hazırlıq
Zəif və orta dərəcədə funksional böyrək pozulması olan xəstələrdə (KrKl 30-60 ml/dəq) DORNAKSZOL dozasının aşağı salınması tövsiyə olunur (bədxassəli şişlər zamanı hiperkalsemiyası olan xəstələr istisna olmaqla). DORNAKSZOL (4 mq/5ml) konsentratın dozasını azaltmaq üçün lazım olan maye konsentrata müvafiq olaraq həcm götürülür.

4,4 ml 3,5 mq doza üçün
4,1 ml 3,3 mq doza üçün
3,8 ml 3,0 mq doza üçün

Maye konsentrat steril 100 ml 0,9%-li NaCl və ya 5%-li qlükoza məhlulunda həll edilməli, birdəfəlik doza 15 dəqiqədən az olmayaraq venadaxili yeridilməlidir. 4mq/100 ml DORNAKSZOL-un azaldılmış dozasını hazırlamaq üçün aşağıda göstərilən DORNAKSZOL məhlulunun müvafiq həcmini eyni həcmli steril 0,9%-li natrium xlorid çəki/həcm və ya 5%-li qlükoza məhlulu çəki/həcm ilə əvəz etmək lazımdır.

Uyuşmazlığı
Şüşə flakonlarla, həmçinin polivinilxlorid, polietilen və polipropilendən hazırlanmış bir neçə tip infuziya paketləri və infuziya sistemləri ilə (əvvəlcədən 0,9%-i steril natrium-xlorid və ya 5%-li qlükoza məhlulları doldurulmuş) müayinələrdə yuxarıda göstərilən qablaşdırma materialları ilə uyuşmazlığı qeyd olunmayıb. Uyuşmazlığın qarşısını almaq məqsədi ilə DORNAKSZOL preparatı 0,9%-i steril natrium-xlorid və ya 5%-li qlükoza məhlullarında həll olunmalıdır. DORNAKSZOL hazırlanmış məhlul, DORNAKSZOL konsentrat kalsiumla və ya Ringer Laktat kimi tərkibində ikivalentli kationlar olan digər məhlullarla qarışdırılmamalı və heç bir əlaqədə olmamalıdır, digər dərmanlardan ayrı, tək venadaxili məhlul kimi təyin olunmalıdır.

Digər yaş qrupları
Uşaqlar
Uşaqlarda və 18 yaşdan aşağı uşaqlarda istifadəsinin təhlükəsizliyi və effektivliyi müəyyən edilməyib. Bu səbəbdən uşaqların və 18 yaşdan aşağı olanların bu dərmandan istifadə etməsi tövsiyyə edilmir.

Yaşlılar
DORNAKSZOL yaşlı xəstələrə təyin edilə bilər. Əlavə ehtiyat tədbirlərinin həyata keçirilməsinin zəruri olmasına heç bir əsas yoxdur.

Əlavə təsirləri
Bütün digər dərmanlarda olduğu kimi DORNAKSZOL tərkib hissələrinə qarşı həssas olan xəstələrdə əlavə təsirlər müşahidə edilə bilinər. Bir çox ümumi hallar adəti üzrə baş verir və qısa müddətdən sonra aradan qalxacaqdır.
Aşağıda yer alan əlavə təsirlər, DORNAKSZOL-un qəbul edilməsindən sonra baş verə bilər:
Əlavə təsirlər, aşağıda yer alan kateqoriyalara əsasən təsnif edilir:
Çox tez – tez: 10 insan arasında 1 nəfərdən artıq olan şəxsdə öz təsirini göstərə bilər
Tez-tez: 10 insan arasında 1 nəfərdə və ya 100 insan arasında 1 nəfərdən artıq şəxsdə öz təsirini göstərə bilər
Bəzən : 100 insan arasında 1 nəfərdə və ya 1000 insan arasında 1 nəfərdən artıq şəxsdə öz təsirini göstərə bilər
Nadir hallarda: 1000 insan arasında 1 nəfərdə öz təsirini göstərə bilər
Çox nadir halardal: 10000 insan arasında 1 nəfərdə öz təsirini göstərə bilər
Məlum deyil: mövcud məlumatlar əsasında başvermə tezliyini müəyyən etmək mümkün deyil.
Çox tez-tez
Qanda fosfatın səviyyəsinin düşməsi
Tez-tez
Baş ağrısı, eləcə də, qızdırma, yorğunluq, zəiflik, əzginlik və soyuqdəymə halının daxil olduğu qripə oxşar sindrom, sümük, əzələ və / və ya oynaq ağrısı. Bir çox bu kimi əlavə təsirlər zamanı xüsusi müalicə tələb edilmir və simptomlar qısa vaxtda (bir neçə saat və ya gün ərzində) aradan qalxır.
Ürəkbulanma, qusma və iştahanın itməsi kimi mədə – bağırsaq reaksiyaları.
Konyuktivitlər (göz iltihabı növü).
Qırmızı qan hüceyrələrinin sayının azalması (anemiya).
Ciddi böyrək çatışmazlığı (xüsusi yoxlama nəticəsində həkiminiz tərəfindən müəyyənləşdirilir).
Qanda kalsiumun səviyyəsinin azalması, kreatininin və sidik cövhərinin səviyyəsinin artması.
Sümük ağrısı, mialgiya (əzələ ağrısı), artralgiya (oynaq ağrısı), ümumi bədən ağrısı.

Bəzən
Ağızda, dişdə və ya çənədə ağrı, ağızda şişən yaralar, dil tutulması və ya çənədə ağırlığın hiss edilməsi və ya istənilən dişin şişməsi. Bu kimi hallar çənədəki sümüyün zədələnməsinə (osteonekroz) nişan ola bilər.
DORNAKSZOL ilə müalicə zamanı və ya müalicəni dayandırdıqdan sonra bu kimi simptomları özünüzdə müşahidə etdiyiniz halda, dərhal bu barədə həkiminizə və stomotoloqunuza məlumat verin.
Daimi olmayan ürək ağrısı (qulaqcıqların fibrilasiyası), əvvəlki menopauzal osteoporozun müalicəsi üçün zoledron turşusu qəbul edən xəstələrdə müşahidə edilir. Əgər zoledron turşusunun qəbulundan sonra bu simptom müşahidə edilərsə, qeyd olunan hal barədə həkiminizi məlumatlandırın.

Ciddi alergik reaksiya: nəfəs darlığı, xüsusilə üzün və boğazın ödemi, anafilaktik reaksiya/şok.
Yüksək həssaslıq
Qan təzyiqinin enməsi
Çənə nahiyəsində ağrı
İnfuziya olan nahiyədə dəri reaksiyaları (qızartı və şişmə), səpmə və qaşınma
Qan təzyiqinin qalxması, nəfəs darlığı, başgicəllənmə, narahatlıq, yuxusuzluq, yuxu pozuntusu, ağız dadının itməsi, titrəmə, cimildəmə, əllərin və ya ayaqlarıın uyuşması, paresteziya, hiperesteziya, diareya, qəbizlik, qarın ağrısı, ağız quruması, öskürək, bronxospazm.
Ağ qan hüceyrələri və qan trombositlərin sayının azalması
Qanda maqnezium və kaliumun səviyyəsinin azalması. (Həkiminiz bu halı yoxlayacaq və zəruri tədbirlər tətbiq edəcəkdir)
Çəki artımı
Tərləmənin artması
Yuxululuq
Bulanıq görmə, sklerit, gözün sulanması və işığa qarşı gözün həssaslaşması
Qəfildən huşun itməsi, ürəyin sıxılması və ya başgicəllənməsi kimi bədəndə soyuqluğun yaranması
Xırıltının və ya öskürəyin olması nəticəsində nəfəs almada çətinlik, sinədə ağrı
Urtikariya (qaşınma, qıcıqlanma və köpəşlənmə kimi dəri reaksiyaları)
Dispepsiya (həzm pozğunluğu və qıcıqlanma ilə müşahidə edilən qarın ağrısı)
Stomatit (ağızın selikli qişasının iltihabı)
Ciddi böyrək çatışmazlığı, hematuriya (sidikdə qırmızı qan hüceyrələri), proteinuriya (sidikdə zülal)
Asteniya (yorğunluq, halsızlıq)
Əzələ spazmı
Periferik ödem
Diareya
Qəbizlik
Qarın ağrısı
Nadir hallarda
Hipokalsiemiyanın nəticəsi : aritmiya
Zəif ürək döyüntüsü
Şüurun dumanlanması
Əqli narahatçılıq
Omba sümüyünün anormal şəkildə sınması, xüsusi ilə osteoporozdan uzun müddətli müalicə alan xəstələrdə müşahidə edilə bilər. Əgər bud, omba və ya mədənizdə ağrı, zəiflik və ya narahatlıq hiss etsəniz, həkiminizi çağırın. Bu hal, omba sümüyünüzün sınmasının erkən simptomu ola bilər.
İnterstisial ağciyər xəstəliyi (ağciyərlərdəki pnevmo torbacıqları boyunca toxuma iltihabı)
Oynaq nahiyəsində olan ağrının və şişmənin daxil olduğu qripə oxşar simptomlar
Qızartı və / və ya şişmə (uveit) kimi göz ağrısı
Hiperkaliemiya
Hipernatriemiya
Angioedem
Pansitopeniya (bütün qan hüceyrələrində azalma)
Fankoni sindromu olaraq adlandırılan böyrək disfunksiyası (həkiminiz tərəfindən sidik analizi nəticəsində müəyyənləşdirilir).
Çox nadir hallarda
Qan təzyiqinin düşməsi nəticəsində huşun itməsi
Sümükdə, oynaqda və / və ya əzələdə ağrı,
Anidən iş qabiliyyətinin itməsi
Hipokalsiemiyanın nəticəsi olaraq: ürəkgetmə, uyuşma və tetaniya
Episklerit (gözün ağ hissəsi və göz qapaqlarının içəri nahiyəsi arasında mövcud damar qatının iltihabı)
Qulağınızda ağrı, qulağınızda iltihab və / və ya qulaq infeksiyası müşahidə etdiyiniz halda, bu barədə həkiminizə məlumat verin. Bu hal, qulağınızda olan sümüyün zədələnməsinə nişan ola bilər (osteonekroz).
Bud sümüyünün osteonekrozu.
Əgər siz bu Məlumat Vərəqəsində yer almayan əks təsirlər ilə üzləşərsəniz, zəhmət olmasa, bu barədə həkiminizə və ya əczaçınıza məlumat verin .

Doza həddinin aşılması
DORNAKSZOL-un kəskin doza həddinin aşılmasının müalicəsinin klinik təcrübəsi məhduddur.Tövsiyə edilən dozadan yüksək doza istifadə edən xəstələr daim nəzarət altında olmalıdır,çünki böyrək funksiyasının pozulmaları (o cümlədən böyrək çatışmazlığı), zərdabın elektrolit tərkibinin dəyişilməsi (o cümlədən kalsium, fosfat və maqnezium konsentrasiyaları) əmələ gələ bilər. Hipokalsiemiyanın əmələ gəlməsində klinik göstərişlər üzrə kalsium qlükonatla infuziyanın həyata keçirilməsi göstərişdir.

Buraxılış forması
5 ml məhlul, brombutilkauçuk tıxacla və plastik açılan qapaqla bağlanmış plastik flakonda. 1 flakon, içlik vərəqə ilə birlikdə karton qutuya qablaşdırılır.

Saxlanma şəraiti
Açılmamış preparatı 25°C-dən aşağı olan otaq temperaturunda, orijinal qutusunda və uşaqların əli çatmayan yerdə saxlamaq lazımdır.

DORNAKSZOL infuziya məhlulu hazırlandıqdan dərhal sonra istifadə edilməlidir. Bu məhlul dərhal istifadə edilməzsə, istifadədən əvvəl onu saxlamaq səhiyyə mütəxəssisinin məsuliyyətidir; məhlul 2-8°C – də soyuducuda saxlanılmalıdır.

Durulaşdırma, soyuducuda saxlama və istifadənin sonu arasında olan ümümi vaxt 24 saatdan çox olmamalıdır.

Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Məhsulda və ya onun qablaşmasında hər hansı bir qüsur aşkar etdiyiniz təqdirdə, DORNAKSZOL-u istifadə etməyin.

Aptekdən buraxılma şərti
Resept əsasında buraxılır.

İstehsalçı
VEM ilaç San. ve Tic. A.Ş., Türkiyə.
Çerkezkoy Organize Sanayi Bolgesi Karaağac Mahallesi, Fatih Bulvarı №38, Kapaklı, Tekirdağ, Turkey.

Qeydiyyat vəsiqəsinin sahibi
Novator Pharma MMC, Böyük Britaniya.
8 Shepherd Market, Office 21 London, UK.