Cardmilrin

KARDMİLRİN   venadaxili yeridilmə üçün məhlul
CARDMILRIN

Beynəlxalq patentləşdirilməmiş adı: Milrinone

Tərkibi
Təsiredici maddə:  1 ml məhlulun tərkibində 1 mq milrinon vardır.
Köməkçi maddələr:süd turşusu, susuz dekstroza (qlukoza), natrium hidroksid, inyeksiya üçün su. 

Təsviri
Açıq-sarımtıl rəngli məhluldur. 

Farmakoterapevtik qrupu
Fosfodiesterazanın inhibitoru, kardiotonik preparat.

ATC kodu: C01CE02.

 Farmakoloji xüsusiyyətləri
Farmakodinamikası
Ürək əzələsində və damarlarda fosfodiesteraza III-ün  inhibitoru. Fosfodiesteraza III-ün inhibə olunması s-AMF-in konsentrasiyasının artmasına səbəb olur, nəticədə kardiomiositlərə kalsiumun çatdırılması artır və müsbət inotrop effekt əldə olunur. Damarlarda FDE III-ün inhibə olunması damar divarının relaksasiyasına və vazodilatasiyaya səbəb olur. Katexolaminlərdən fərqli olaraq milrinon oksigenə tələbatı artırmır.
Farmakokinetikası
Milrinon plazma zülalları ilə 70-90% birləşir. Plazma konsentrasiyası dozalanmadan asılıdır və ortalama olaraq 200 nq/ml təşkil edir. Yarımatılma periodu 1,5-3 saat təşkil edir. Orqanizmdən böyük bir hissəsi böyrəklər vasitəsilə xaric olunur, 12%-i metabolitlər şəklində azad olunur. Preparatın 50%-i 2 saat ərzində xaric olunur, 8 saatdan sonra preparatın orqanizmdə 10%-i qalır.

İstifadəsinə göstərişlər

  • Kəskin ürək çatışmazlığının qısamüddətli müalicəsi (ürəyin atım fraksiyasının azalması)
  • Ürəkdə aparılan cərrahi əməliyyat zamanı qısamüddətli terapiya üçün (35 saata qədər)

Əks göstərişlər

  • Milrinona və ya preparatın hər hansı komponentinə qarşı hiperhəssaslıq
  • Allergik reaksiyanın əlamətləri: səpgi, udma və ya nəfəsalama çətinliyi, dodaqlarda, üzdə və ya boğazda ödem.
  • Ciddi hipovolemiya

Xüsusi göstərişlər və ehtiyat tədbirləri

  • Kəskin ürək tutması zamanı
  • Ürək qapaqlarında qalınlaşma, daralma və ya tutulma varsa
  • Qeyri-stabil ürəkdöyünmə, ürək döyüntülərinin sayının artması, başgicəllənmə, təngnəfəslik və bayılma zamanı
  • Arterial təzyiqin düşməsi zamanı baş verən yuxululuq, başgicəllənmə və yorğunluq zamanı
  • Sidikqovucu preparatların qəbulu zamanı
  • Qanda kaliumun səviyyəsinin aşağı olması zamanı
  • Böyrəklərdə hər hansı bir problem olduqda preparat ehtiyatla təyin olunmalıdır.

Digər dərman vasitələri ilə qarşılıqlı təsiri
Milrinon digər dərman vasitələrinin effektinə təsir göstərə bilər, həmçinin digər dərman vasitələri də milrinonun effektini zəiflədə bilər. Aşağıda qeyd olunan preparatlardan hər hansı birini qəbul edirsinizsə, bu haqda həkiminizə məlumat verin:

  • Diqoksin (ürək xəstəliklərinin müalicəsində istifadə olunur)
  • Diuretiklər
  • Yüksək qan təzyiqi və ya stenokardiyanın müalicəsində istifadə olunan preparatlar: amlodipin, nifedipin və felodipin.

Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi haqda kifayət qədər məlumat olmadığından hamiləlik və laktasiya dövründə istifadəsi məsləhət deyil. Müalicə müddətində hamilə olduğunuz aşkarlanarsa, preparatın qəbulunu dayandırın və bu haqda həkiminizə və ya əczaçıya məlumat verin.

Pediatriyada  istifadəsi
Preparatı təyin etməzdən qabaq həkim bir çox parametrləri – ürəyin ritmini, arterial təzyiqi və qan analizini yoxlayacaq. Əgər, ürək ritmləri və arterial təzyiq normallaşmasa bu zaman milrinon təyin olunmayacaq.
Uşaqda

  • Böyrək problemləri varsa
  • Azçəkili doğulubsa
  • Arterial keçid açıqdırsa milrinonun təyini zamanı ehtiyatlı olmaq lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Milrinonun nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri haqda məlumat yoxdur.

İstifadə qaydası və dozası
Doza həkim tərəfindən patologiyaya uyğun olaraq təyin olunur.
Kardmilrin preparatı 0,45%-li NaCl, 0,9%-li NaCl və 5%-li qlukoza məhlulunda durulaşdırıldıq-dan sonra 24 saat ərzində istifadə olunmalıdır.
Müxtəlif yaş qruplarında istifadəsi
Böyüklər
Yükləyici doza olaraq 50 mkq/kq doza 10 dəqiqə ərzində yeridilir. Bundan sonra 0,375 və 0,75 mkq/kq doza 1 dəqiqə ərzində təyin olunur. Preparat adətən 2-3 gün təyin olunur, maksimal istifadə müddəti 5 gündür.
Ürək əməliyyatlarından sonra 12 saata qədər təyin olunur.
Uşaqlar
Yükləyici doza olaraq həkim 50 və 75 mkq/kq dozanı 30-60 dəqiqə müddətinə təyin edir. Uşaq orqanizminin reaksiyasına əsasən növbəti doza 0,25-0,75 mkq/kq/dəqiqə təyin olunur.
Kardmilrin 35 saata qədər təyin oluna bilər.
Xüsusi hallar:
Böyrək xəstəlikləri zamanı doza korreksiya olunmalıdır (azaldılmalıdır)

Əlavə təsirləri
İstənilən dərman preparatı kimi milrinon da xəstələrdə müəyyən əlavə təsirlər yarada bilər.
Allergik reaksiyalar (dərialtı xırda qansızmalar və qançırlar), xırda səpgilərdən tutmuş anafilaktik reaksiyaya kimi bütün hallarda həkimə müraciət edin.
Nadir hallarda aşağıda qeyd olunmuş hallarda allergik reaksiyalar ola bilər:

  • Allergik reaksiyalar (nəfəsalmanın çətinləşməsi, qan dövranının pozulması, səpgi, udqunmanın və ya nəfəsalmanın çətinləşməsi, dodaqlarda, üzdə, boğazda və dildə ödem, bayılma)
  • Sinədə xırıltı
  • Əzələlərdə zəiflik

Bütün bunlar ciddi xəstəliklər olub,  təcili tibbi yardım tələb edə bilər.
Bundan başqa məlum olmayan tezlikdə aşağıda qeyd olunmuş əlamətlər meydana çıxa bilər:
Ürək döyüntülərinin sayı: taxikardiya, mədəcik ektrasistoliyası, mədəcik taxikardiyası, stenokardiya tutmaları, arterial hipotenziya, bəzən mədəciklərin səyriməsi.
MSS-də:baş ağrıları, tremor.
Anafilaktik reaksiyalar: dəri səpgiləri, qaşınma, bəzən anafilaktik şok, bronxospazm.
Digər: hipokaliemiya, trombositopeniya.

Doza həddinin aşılması
Preparat adətən mütəxəssis tərəfindın təyin olunduğu üçün doza həddinin aşılması qeydə alınmır, amma doza həddi aşılarsa, aşağıdakı effektlər meydana gələ bilər: yuxululuq, başgicəllənmə, bayılma (təzyiqin düşməsi nəticəsində) və ürək döyüntülərinin qeyri-müntəzəm olması.

Buraxılış forması
10 ml məhlul, ampulda. 1 ampul, içlik vərəqə ilə birlikdə karton qutuya qablaşdırılır.

Saxlanma şəraiti
250C-dən yuxarı olmayan otaq temperaturunda, orijinal qutusunda, quru, işıqdan  qorunan  və  uşaqların əli çatmayan yerdə saxlamaq lazımdır. Dondurmaq olmaz.

Yararlılıq müddəti
4 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

 İstehsalçı
VEM İlaç San. ve Tic. A.Ş. Türkiyə.

Məhsulun və əmtəə nişanının sahibi:
 Novator Pharma LLP, Office 21, 8 Shepherd Market, London, W1J 7JY, UK.

Ünvan
Çerkezköy Organize Sanayi Bölgesi.
Karaağaç Mah. Fatih Blv. No:38.
Kapaklı/TEKİRDAĞ/TURKEY.