Delovir

Beynəlxalq patentləşdirilməmiş adı: Aciclovir

Tərkibi
Təsiredici maddə:   1 tabletin tərkibində 400 mq asiklovir vardır.
Köməkçi maddələr: laktoza monohidrat, mikrokristallik sellüloza, natrium nişasta qlikolyatı A tipi, povidon, maqnezium stearat, susuz kolloidal silisium. 

Təsviri
Ağ rəngli, uzunsov tabletlərdir.

Farmakoterapevtik qrupu
Sistem istifadə üçün virusəleyhinə vasitələr.

ATC kodu: J05AB01. 

Farmakoloji xüsusiyyətləri
Farmakodinamikası
Asiklovir purin nukleozidinin sintetik analoqu olan virusəleyhinə dərman vasitəsi olub, in vitro və in vivo şəraitlərdə herpes viruslarına, o cümlədən 1-ci və 2-ci tip sadə herpes virusuna,  suçiçəyi və kəmərləyici herpesin törədicisi, Epşteyn-Barr virusuna və Sitomeqalovirusa qarşı yüksək aktivliyə malikdir. Asiklovir hüceyrələrə daxil olandan sonra ən yüksək aktivliyi 1-ci sadə herpes virusuna göstərir, sonra, aktivliyi azalması fonunda, 2-ci tip sadə herpes virusuna, suçiçəyi və kəmərləyici herpesin törədicisi, Epşteyn-Barr virusuna və Sitomeqalovirusa göstərir.
Asiklovirin yuxarda göstərilən viruslara qarşı inhibəedici aktivliyi yüksək selektivdir. Normal infeksiyaya yoluxmamış hüceyrədə timidinkinaza fermenti asikloviri substrat kimi istifadə etmir, buna görə insan hüceyrələrinə qarşı toksikliyi aşağıdır. Lakin, sadə herpes, suçiçəyi, kəmərləyici herpes və Epşteyn-Barr virusu ilə infeksiyalaşmış hüceyrələrin daxilində timidinkinazanın təsiri altında asiklovirin bir sıra ardıcıl asiklovirmonofosfata (nukleozidin analoqu), di- və trifosfata çevrilməsi reaksiyaları baş verir. Asiklovirtrifosfat virus DNT-zəncirinə qoşulmaqla virus DNT-polimerazasını rəqabət zəminində inaktivləşdirməklə onun sintezini pozur.
Ağır xəstəliklərə malik, immuniteti aşağı olan xəstələrdə uzunmüddətli və təkrar müalicə kursları apardıqda bəzi virus ştammlarına həssaslıq azala bilər. Çoxsaylı kliniki hadisələrin qeyri-həssaslığı virus timidinkinazasının defisiti ilə bağlıdır, lakin virus timidinkinazasının və DNT-nin zədələnmələri haqqında məlumatlar da var. Asiklovirin sadə herpes viruslarla In vitro qarışıqlı təsiri həssaslığı az olan ştammların formalaşmasına gətirib çıxara bilər.
Asiklovirlə in vitro və kliniki müalicəsində nəticələrinin həssaslığı arasında əlaqə axıra qədər aşkar olunmayıb.

Farmakokinetikası

Asiklovir bağırsaqdan cüzi miqdarda absorbsiya olur. Preparatın orta stabil pik konsentrasiyası (C_ssmax) qan plazmasında 200mq dozada 4 saatlıq intervalla qəbulda 3.1mkmol (0.7mkq\ml) təşkil edir və plazmada həcmi (C_ssmin) 1.8mkmol (0.4mkq\ml) təşkil edəcək. C_ssmax həcmi 400mq və 800mq 4 saatlıq intervalla qəbulda 5.3 mkmol (1.2mkq\ml) və 8mkmol (1.8mkq\ml) təşkil edir, ekvivalent C_ssmin həcmləri isə 2.7 mkmol (0.6mkq\ml) və 4mkmol (0.9mkq\ml) təşkil edir.
Böyüklərdə tam yarımxaricolma dövrü v/d yeridilməsindən sonra 2.9 saat təşkil edir. Preparatın böyük hissəsi dəyişilməmiş halda böyrəklərlə xaric olunur. Asiklovirin böyrək klirensi ümumi kreatininin klirensindən yüksəkdir, bu isə preparatı böyrəklərlə həm yumaqcıq filtrasiyası vasitəsilə həm də kanal sekresiyası vasitəsilə xaric edilməsini göstərir.
9-karboksimetoksimetilquanin, sidikdə aşkar edilə bilən, asiklovirin yeganə vacib metaboliti sayılır və istifadə edilən dozanın təxminən 10-15%-dir. Əqər asiklovir 1q probenesidin qəbulundan sonra qədul olunursa, onun son yarımxaricolma dövrü və əyri xətt sahəsi “konsentrasiya/vaxt” 18% və 40% çoxalır.
Ağır böyrək çatışmazlığı olan xəstələrdə son yarımxaricolma dövrü – 19.5 saat, hemodializ zamanı – 5,7 saat (bu zaman plazmada asiklovirin konsentrasiyası başlanğıc səviyyənin 60%-nə qədər azalır).
Onurğa beyni mayesində konsentrasiyası onun plazma konsentrasiyasının 50%-ni təşkil edir. Plazma zülalları ilə birləşməsi 9-33% təşkil edir və onun plazma konsentrasiyasından asılı deyildir.
Asiklovirin və zidovudinin QİÇS-lə yoluxmuş xəstələrin mualicəsində birgə istifadəsi zamanı bu vasitələrin farmakokinetikasında heç bir dəyişiklik müşahidə olunmur.

İstifadəsinə göstərişlər

• – Dərinin və selikli qişaların birincili və residivləşən genital herpesi daxil olmaqla, sadə herpes virusları tərəfindən törədilən infeksiyaların mualicəsi.
• – İmmun statusu normal olan pasiyentlərdə sadə herpes viruslarının törətdiyi residivləşən infeksiyaların kəskinləşməsinin profilaktikası.
• – İmmun çatışmazlığı olan xəstələrdə sadə herpes viruslarının törətdiyi infeksiyaların profilaktikası.
• – Varicella zoster virusunun törətdiyi infeksiyaların mualicəsi (suçiçəyi və həmçinin kəmərləyici dəmrov).

Əks göstərişləri
Asiklovirə, valasiklovirə və ya preparatın digər komponentlərinə qarşı yüksək həssaslıq.

Xüsusi göstərişlər və ehtiyat tədbirləri
Asiklovir bədəndən böyrək vasitəsilə xaric edilir, buna görə böyrək çatışmazlığı olan xəstələrə doza həddini aşağı salmaq lazımdır (bax “İstifadə qaydası və dozası”). Yaşlı xəstələrə böyrək funksiyaları pozulması ehtimalı böyükdür, buna görə bu qrup pasiyentlərə doza həddini aşağı salınması lazım ola bilər. Böyrək çatışmazlığı və yaşlı xəstələr nevroloji əlavə təsirlərinin yaranma riskinin qrupuna daxil olurlar və ciddi olaraq həkimin nəzarəti altında olmalıdırlar. Belə reaksiyalar mualicə dayandırılıqdan sonra ümumiyyətlə geri dönürlər. (bax “Əlavə təsirlər”).
Asiklovirin yüksək dozalarını qəbul edən xəstələrdə hidratasiyanın adekvat səviyyəsinə nəzarət etmək lazımdır.

Digər dərman vasitələri ilə qarşılıqlı təsiri
Asiklovirin digər dərman vasitələri ilə əhəmiyyətli qarşılıqlı kliniki təsiri aşkar olunmayıb.
Asiklovir kanal sekresiyası vasitəsilə böyrəklərlə xaric edilir, buna görə eyni sekresiya mexanizmi olan digər dərman vasitələri, asiklovirin qan plazmasında konsentrasiyasını yüksəldə bilərlər. Probenesid və simetidin asiklovirin orta yarımxaricolma dövrünü və əyri xətt sahəsini (“konsentrasiya/vaxt”) uzadır.
Orqan transplantasiyası olan xəstələrdə immunosupressantlarla birgə təyini, asiklovirin və immunosupressiv preparatın qeyri aktiv metabolitinin, qan plazmasında konsentrasiyasını yüksəldə bilər, amma asiklovirin geniş terapevtik indeksini nəzərə almaqla dozanı korreksiya etmək lazım deyil.

Hamiləlik və laktasiya dövründə istifadəsi
Asiklovir tabletlərinin isifadəsi yalnız ana üçün gözlənilən fayda döl üçün potensial riski üstələmiş olanda mümkündür.
Gündə 5 dəfə 200mq dozada peroral daxilə qəbul edildikdən sonra asiklovir qan plazmasının muvafiq səviyyəsindən 0,6-4,1% konsentrasiyasında ana südündə toplanır. Belə süd ilə qidalanan uşaq asikloviri gündə 0,3mq/kq bədən çəkisinə muvafiq olaraq həzm edə bilər. Buna görə asikloviri ehtiyatla təyin etmək lazımdır, risk/fayda nisbətini hesablamaqla.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Müalicə zamanı nəqliyyat vasitələrini və mexanizmləri idarə edərkən və yüksək diqqət və sürətli psixomotor reaksiya tələb edən digər potensial təhlükəli fəaliyyət növləri ilə məşğul olarkən ehtiyatlı olmaq lazımdır.

İstifadə qaydası və dozası
Tabletlər daxilə kifayət miqdarda maye ilə qəbul olunmalıdır.
12 yaşdan yuxarı və böyüklər:

• Herpes, genital herpes : 200 mq gündə 5 dəfə (4 saatdan bir, gecə 8 saatlıq intervalla) 5 gün.
• Residivləşən herpes: 200 mq gündə 5 dəfə və ya 400 mq gündə 2 dəfə.

İmmundefisitli şəxslərdə Herpes simplex-in profilaktikası: 200 mq gündə 4 dəfə, ağır hallarda (məsələn sümük iliyinin köçürülməsi zamanı) 400 mq gündə 4 dəfə və ya venadaxili yeridilmək üçün uyğun doza tətbiq etmək tövsiyə olunur.

Böyrək çatışmazlığı
Delovir^® böyrək çatışmazlığı olan xəstələrə ehtiyatla təyin olunmalıdır. Hidratasiyanın adekvat səviyyəsinə nəzarət etmək lazımdır.
Ağır böyrək çatışmazlığı olan xəstələrə (kreatinin klirensi 10ml/dəq.-dən aşağı) preparat gündə 2 dəfə 200 mq dozada 12 saatlıq intervalla təyin olunur.
Varicella zoster (suçiçəyi və kəmərləyici herpes) tərəfindən törədilən infeksiyaların müalicəsi zamanı aydın ifadə olunmuş immun çatışmazlığı və ağır böyrək çatışmazlığı olan xəstələrə (kreatinin klirensi 10ml/dəq.-dən aşağı) preparat gündə 2 dəfə 800 mq dozada 12 saatlıq intervalla təyin olunur, amma yüngül böyrək çatışmazlığı olan xəstələrə (kreatinin klirensi 10-25ml/dəq. arası) preparat gündə 3 dəfə 800 mq dozada 8 saatlıq intervalla təyin olunur. 

Əlavə təsirləri

Digər preparatlar kimi DELOVİR də əlavə təsirlərə səbəb ola bilər.
Qan və limfa sisteminə: anemiya, trombositopeniya, leykopeniya.

İmmun sistemə: anafilaksiya.

Psixika və sinir sisteminə: başağrısı, başgicəllənmə, həyəcan, şüurun qarışması, tremor, ataksiya, dizartriya, hallüsinasiyalar, psixotik simptomlar, qıcolmalar, yuxuyameyillik, ensefalopatiya, koma. Yuxarıda qeyd olunan nevroloji reaksiyalar ümumiyyətlə geri dönürlər və adətən böyrək çatışmazlığı zamanı əmələ gəlir.

Respirator sistemə və döş qəfəsi orqanlarına: təngnəfəslik.

Mədə-bağırsaq sisteminə: ürəkbulanma, qusma, qarında ağrılar, diareya.

Hepatobiliar sistemə: qaraciyər fermentlərinin və bilirubinin səviyyəsinin keçici və əhəmiyyətsiz dərəcədə yüksəlməsi, sarılıq, hepatit.

Dəri və dərialtı toxumaya: qaşınma,  səpkilər (o cümlədən fotosensibilizasiya), övrə, saçların diffuz tökülməsi. Angionevrotik ödem.

Böyrəklər və sidik ifrazat sisteminə: sidik cövhərinin və kreatininin qanda konsentrasiyasının artması, kəskin böyrək çatışmazlığı, böyrəklərdə ağrı. Böyrəklərdə ağrı böyrək çatışmazlığı və kristalluriya ilə bağlıdır.

Ümumi pozuntular: yorğunluq, yüksək hərarət.
Əgər əlavə təsirlərdən hər hansı biri ciddi xarakter alarsa və ya bu içlik vərəqədə qeyd edilməyən hər hansı əlavə təsir meydana çıxarsa, lütfən bu barədə həkiminizə və ya əczaçıya məlumat verin.

Doza həddinin aşılması

Simptomları
Asiklovir mədə-bağırsaq traktında cüzi miqdarda absorbsiya olunur. Asiklovirin təsadüfi 20q-a qədər qəbulu toksik təsirlərərə səbəb olmur. Asiklovirin bir neçə gün ərzində təsadüfi təkrar doza həddinin aşılması zamanı qastroenteroloji (ürəkbulanma və qusma kimi) və nevroloji (başağrısı və şüurun qarışması) simptomlar baş verə bilər. Venadaxili asiklovirin doza həddinin aşılması zamanı qan zərdabında kreatininin səviyyəsi, qan sidikcövhərinin azot konsentrasiyası artır və müvafiq olaraq böyrək çatışmazlığı əmələ gəlir. Doza həddinin aşılması zamanı aşağıdakı nevroloji təzahürlər ola bilər: şüurun qarışması, hallüsinasiyalar, həyəcan, qıcolmalar və koma.
Mualicəsi
İntoksikasiya simptomlarının aşkar olunması üçün xəstə diqqətlə müayinə olunmalıdır. Asiklovir hemodializlə yaxşı xaric olunur, ona görə doza həddinin aşılması zamanı hemodializdən istifadə etmək olar.

Buraxılış forması
25 tablet. 5 tablet, blisterdə. 5 blister, içlik vərəqə ilə birlikdə karton qutuya qablaşdırılır.

Saxlanma şəraiti
25ºС-dən  yüksək  olmayan temperaturda, işıqdan  qorunan  və  uşaqların əli çatmayan yerdə saxlamaq lazımdır.

 Yararlılıq müddəti 3 il.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

Məhsulun və əmtəə nişanının sahibi: “NOVATOR PHARMA”, Böyük  Britaniya.

İstehsalçı Farmalabor – Produtos Farmacêuticos, S.A., Portugal.