Disotrav

• Bu dərman həkiminiz tərəfindən yalnız Sizin tibbi problemləriniz üçün təyin edilmişdir. Siz onu digər şəxslərə verməməli və ya həkiminizlə məsləhətləşməmiş onu digər xəstəliklərin müalicəsi üçün istifadə etməməlisiniz.
• Əgər müalicə müddətində bu dərmanla bağlı hər hansı problem meydana çıxarsa, vaxtında bu barədə həkiminizə və ya əczaçıya məlumat verin.
• Əgər bu dərmana dair hər hansı sualınız olarsa və ya əlavə məlumata ehtiyacınız olarsa,çəkinmədən həkiminizə və ya əczaçıya müraciət edə bilərsiniz.
• Dərmanın təhlükəsiz və effektiv təsir göstərməsi üçün Sizə verilmiş təlimatlara əməl etməlisiniz.
• Təhlükəsizliyiniz və sağlamlığınız üçün Siz, istifadə etdiyiniz dərman preparatına dair hər hansı məlumatı diqqətlə oxumalısınız.
• Dərmanları hamam otağında saxlamayın, belə ki, rütubət və isti dərmanın keyfiyyətini aşağı salar və onu sağlamlığınız üçün zərərli edə bilər.
• Artıq Sizə lazım olmayan və ya yararlılıq müddəti keçmiş dərman preparatını saxlamayın.
• Təhlükəsizlik məqsədi ilə dərmanları təhlükəsiz və uşaqların əli çatmayan yerdə saxlamaq lazımdır.

DISOTRAV 0,004% göz damcısı, məhlul

DISOTRAV

Beynəlxalq patentləşdirilməmiş adı: Travoprost (Travoprost)

Tərkibi
Təsiredici maddə: 1 ml məhlulun tərkibində 0,04 mq travoprost (0,04 mq/ml) vardır.
Köməkçi maddələr: benzalkonium xlorid, kremofor RH 40 (polioksil 40 hidrogenləşdirilmiş gənəgərçək yağı), propilenqlikol, natrium-xlorid, bor turşusu, mannitol, natrium edetat, inyeksiya üçün su.
pH-ın səviyyəsini normada saxlamaq üçün cüzi miqdarda xlorid turşusu və ya natrium-xlorid əlavə edilmişdir.

Təsviri
DISOTRAV- plastik flakonda şəffaf, rəngsiz məhlul.

Farmakoloji xüsusiyyətləri
Travoprost- yüksәk dәrәcәdә selektiv F2α prostoqlandinin analoqu olub, gözdaxili mayenin torlu qişadan vә uveoskleral traktdan axmasını sürәtlәndirmәklә gözdaxili tәzyiqi aşağı salır.
Travoprost monoterapiya və ya təzyiqi azaldan digər göz damcıları ilə kombinə edilmiş şəkildə istifadə oluna bilər.

İstifadəsinə göstərişlər
DISOTRAV böyüklərdə açıqbucaqlı qlaukoma vә göz hipertenziyasında gözdaxili tәzyiqi aşağı salmaq üçün istifadə edilir.

Əks göstərişlər
Travoprosta və ya bu dərman preparatının digər komponentlərindən (bax: “Tərkibi”) hər hansı birinə qarşı allergiya (yüksək həssaslıq).

Xəbərdarlıq və ehtiyat tədbirləri

• DISOTRAV uzun müddət istifadə olunduqda kirpiklərin uzunluğunu, qalınlığını, rəngini və ya sayını artıra bilər. O cümlədən, göz qapağında və ya gözətrafı toxumalarda tündləşmə müşahidə oluna bilər.
• DISOTRAV qüzehli qişanın (gözün rəngli hissəsi) rəngini dəyişə bilər. Bu, geri dönməyən bir prosesdir.
• Katarakta əməliyyatından sonra DISOTRAV -in istifadəsinə dair həkim məsləhəti tövsiyə olunur.
• İrit və uveitlərdə (hətta keçmişdə olmuşdursa da) DISOTRAV həkim məsləhəti ilə istifadə olunmalıdır.
• DISOTRAV çox nadir hallarda təngnəfəsliyə və ya fitverici tənəffüsə səbəb ola və ya astmanın simptomlarını gücləndirə bilər. Bu hallarda, mümkün qədər tez bir zamanda həkimə müraciət etmək lazımdır.
• Travoprost dəridən absorbsiya oluna bilər. DISOTRAV-in tərkibində dəri reaksiyaları və qıcıqlanma törədə bilən hidrogenləşdirilmiş gənəgərçək yağı və propilenqlikol vardır.
  Buna görə də dəri, dərman preparatı ilə təmasda olarsa, dərhal su ilə yuyulmalıdır. Bu, hamilə və ya hamilə olmağa cəhd edən qadınlarda xüsusilə vacibdir.
• Preparatın istifadəsindən əvvəl kontakt linzaları çıxarmaq və yalnız dərmanın damızdırılmasından ən azı 15 dəqiqə sonra yenidən taxmaq lazımdır.

Uşaqlarda və yeniyetmələrdə istifadəsi
18 yaşdan aşağı uşaqlarda və yeniyetmələrdə DISOTRAV-in istifadəsi tövsiyə olunmur.

Digər dərman preparatları ilə qarşılıqlı təsiri
Reseptsiz buraxılan dərmanlar da daxil olmaqla, hər hansı digər dərman preparatı (göz damcısı daxil olmaqla) qəbul edilirsə və ya əvvəllər edilibsə, lütfən, bu barədə həkimə və ya əczaçıya məlumat verilməlidir.

Hamiləlik və laktasiya dövründə istifadəsi
Hamiləlik və laktasiya dövründə istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
DISOTRAV-in istifadəsi zamanı müvəqqəti olaraq dumanlı görmə yarana bilər. Görmə qabiliyyəti normallaşana qədər nəqliyyat vasitələrini və digər potensial təhlükəli mexanizmləri idarə etmək olmaz.

İstifadə qaydası və dozası
Tövsiyə olunan doza gündə 1 dəfə axşamlar zədələnmiş gözə və ya gözlərə 1 damcı təşkil edir.
Preparatın istifadə müddəti həkim tərəfindən təyin edilir.
DISOTRAV yalnız yerli olaraq istifadə edilir.

Doza həddinin aşılması
Bu halda göz ilıq su ilə yuyulmalı və növbəti dozanın vaxtı çatana qədər heç bir damcıdan istifadə edilməməlidir.

Dozanın istifadəsi unudularsa
Əgər bir dozanın istifadəsi unudularsa, onu xatırlayan kimi, dərhal istifadə edilməlidir. Növbəti dozanın vaxtı yaxınlaşmışdırsa, o zaman unudulmuş dozanı buraxaraq, növbəti dozanı vaxtında istifadə etmək və müalicəni adi rejimdə davam etdirmək lazımdır.
Unudulmuş dozanın əvəzinə ikiqat doza istifadə etmək olmaz. Bir gündə istifadə olunan doza 1 damcıdan artıq olmamalıdır.
DISOTRAV-in istifadəsi dayandırılarsa
Həkimlə məsləhətləşmədən dərmanın istifadəsini dayandırmaq olmaz, əks təqdirdə yüksək gözdaxili təzyiqə nəzarət etmək mümkün olmayacaq və bu da görmənin itməsinə gətirib çıxara bilər.
Dərman preparatının istifadəsinə dair əlavə suallar yaranarsa, həkim və ya əczaçıya müraciət etmək lazımdır.

Mümkün əlavə təsirləri
DISOTRAV-dən istifadə zamanı aşağıdakı əlavə təsirlər meydana çıxa bilər:
Çox təsadüf olunan hallarda: 10 pasiyentdən 1-dən çoxunda rast gələ bilər
Yerli: gözün qızarması.
Əksər hallarda: 10 pasiyentdən 1-ə qədərində rast gələ bilər
Yerli: qüzehli qişanın (gözün rəngli hissəsi) rənginin dəyişməsi, gözdə ağrı, diskomfort, quruluq, qaşınma və qıcıqlanma.
Az təsadüf olunan hallarda: 100 pasiyentdən 1-nə qədərində rast gələ bilər
Yerli: buynuz qişanın patologiyası, göz toxumalarının iltihabı (irit, konyunktivit), işığa qarşı həssaslıq, gözdən selikli ifrazat, göz qapağının iltihabı və qaşınması, göz ətrafında ödem, görmənin zəifləməsi, dumanlanması, yaşaxma, göz qapağının qabıqlanması, kipriklərin uzanması, kipriklərin rəngsizləşməsi, yorğun gözlər.
Sistem əlavə təsirlər: allergik simptomların güclənməsi, baş ağrısı, başgicəllənmə, aritmiya, təngnəfəslik, astma, burun tutulması, boğazda qıcıqlanma, gözün (və ya gözlərin) ətrafında dərinin rənginin tündləşməsi, tüklərin quruluşunun dəyişməsi, artıq tük inkişafı.
Nadir: 1000 pasiyentdən 1-ə qədərində rast gələ bilər
Yerli: fotopsiya, parıltı görmə, göz qapağının ekzeması və vəzilərinin iltihabı, gözün ödemi, gözün həssaslığının azalması, gözün piqmentasiyası, midriaz, kipriklərin quruluşunun dəyişməsi və tökülməsi.
Sistem əlavə təsirlər: gözün virus infeksiyasının kəskinləşməsi (əgər mövcuddursa), pis dad, aritmiya, arterial təzyiqin yüksəlməsi və ya azalması, öskürək, səsin dəyişməsi, mədə-bağırsaq traktında diskomfort və ya xora, qəbizlik, ağızda quruluq, dərinin qızarması yə ya qaşınması, səpgi, tüklərin rənginin dəyişməsi, skelet-əzələ ağrıları, ümumi zəiflik.
Başvermə tezliyi məlum olmayan əlavə təsirlər (mövcud məlumatlara görə başvermə tezliyini müəyyən etmək mümkün olmamışdır).
Yerli əlavə təsirlər: gözün arxa hissəsinin iltihabı.
Sistem əlavə təsirlər: depressiya, narahatlıq, qulaqlarda cingilti, sinədə ağrı, astmanın ağırlaşması, diareya, abdominal ağrı, ürəkbulanma, qaşınma, oynaq ağrıları,ağrılı və qeyri-iradi sidiyə getmə, prostat vəzinin xərçəng markerinin böyüməsi.

Əlavə təsirlər haqqında məlumatın verilməsi
Əgər hər hansı əlavə təsir meydana çıxarsa, bu barədə həkimə, əczaçıya və ya tibb bacısına məlumat vermək lazımdır. Buraya bu içlik vərəqədə qeyd edilməyən hər hansı mümkün əlavə təsir də daxildir. Siz, həmçinin, əlavə təsirlər barədə birbaşa milli məlumat sistemi vasitəsilə müraciət edə bilərsiniz. Əlavə təsirlər barədə məlumat verməklə Siz, bu dərmanın təhlükəsizliyi haqqında daha çox bilginin toplanmasına kömək edə bilərsiniz.
Buraxılış forması
2,5 ml məhlul, plastik flakonda. 1 flakon içlik vərəqə ilə birlikdə karton qutuya qablaşdırılır.

Saxlanma şəraiti
2-25°C-dən yüksək olmayan temperaturda, uşaqların əli çatmayan yerdə saxlamaq lazımdır.
Flakonun ilk açılışdan sonra 25°C-dən yüksək olmayan temperaturda saxlanmalıdır.

Yararlılıq müddəti
Yararlılıq müddəti flakonun etiketinin və qutunun üzərində göstərilmişdir.
Flakonun ilk açılışından 28 gün sonra istifadə edilməməlidir.
Yararlılıq müddəti bitdikdən sonra istifadə etmək olmaz. Yararlılıq müddətinin bitmə tarixi qeyd edilən ayın son gününə şamil edilir.
• Dərmanlar çirkab sularına və məişət tullantıları içərisinə atılmamalıdır. Artıq istifadə edilməyən dərmanın hara və necə atılmalı olduğunu əczaçıdan soruşun. Bu tədbirlər ətraf mühitin qorunmasına xidmət edir

Aptekdən buraxılma şərti
Resept əsasında buraxılır.