Gabesat

Beynəlxalq patentləşdirilməmiş adı: Gabexate mesilate

Tərkibi
Təsiredici maddə: Gabeksat mesilat – 100 mq/5 ml.

Təsviri
5 ml şəffaf şüşə flakonun içində ağ liofilizəolunmuş kristallik toz və 5 ml şəffaf şüşə ampul içində inyeksiya üçün su (şəffaf, rəngsiz və içərisində hissəciklər yoxdur).
Həll olunmuş məhlul rənsizdir və içərisində hissəciklər yoxdur. 

Farmakoterapevtik qrupu
 Fermentlərin inhibitoru 

ATC kodu:
 B02AB

Farmakoloji xüsusiyyətləri
Farmakodinamikası
Gabeksat mesilat proteazaların (zülalları parçalayan fermentlər) inhibotorudur. Tripsin, kallikrein, plazmin, trombin, C1-esterazanı inhibə edir. Trombositlərin aqreqasiyasının qarşısını alır, fibrinolitik və koaqulyasiya sistemlərinin stimulyasiyasını tormozlayaraq damardaxili koaqulyasiyanın qarşısını alır və şokun yaranmasının qarşısınıa alır.

İstifadəsinə göstərişlər

• Kəskin pankreatit
• Xroniki pankreatitin kəskinləşməsi
• Əməliyyatdan sonrakı kəskin pankreatit
• Disseminə olunmuş damardaxili laxtalanma sindromu (DDL sindromu)

Əks göstərişləri

• Gabeksat mesilat və preparatın digər komponentlərinə qarşı hiperhəssaslıq

Xüsusi göstərişlər və ehtiyat tədbirləri
Bu preparat yalnız xəstəxana şəraitində və ixtisaslaşmış mütəxəssislər tərəfindən təyin olunmalıdır. Müalicə müddətində xəstənin vəziyyəti diqqətlə izlənilməlidir. Aşağıda qey olunan hallar baş verərsə müalicəni dayandırmaqlazımdır:

• Leykositlərin sayının azalması (aqranulositoz)
• Trombositlərin sayının azalması
• Hipoerkaliemiya

Aşağıda qeyd olunan hallarla rastlaşsanız, təcili bu haqda həkiminizə məlumat verin: arterial təzyiqin enməsi, sinədə sıxılma hissi, tənəffüsün çətinləşməsi, ödem, inyeksiya nahiyyəsində qaşınma, qızartı və ağrı hissinin olması.
Aşağıda göstərilən hallarda dozanı azaltmaq lazımdır: baş ağrıları, qanın laxtalanmasının azalması (tromboplastinin miqdarının azalması nəticəsində), qanaxma, arterial təzyiqin düşməsi, ürəkbulanma, qusma, diareya, dəri səpkiləri, üzün şişməsi.

Digər dərman vasitələri ilə qarşılıqlı təsiri
Əgər hal-hazırda hər hansı bir dərman preparatı qəbul edirsinizsə və ya erməyə hazırlaşırsınızsa, GABESAT istifadə etməzdən qabaq həkiminizə məlumat verin. Gabeksat mesilatın digər dərman vasitələri ilə qarşılıqlı təsiri haqda heç bir məlumat yoxdur.

Hamiləlik və laktasiya dövründə istifadəsi
Əgər siz hamiləsinizsə və ya yaxın vaxtlarda hamilə qalmağı planlaşdırırsınızsa, bu haqda həkiminizə məlumat verin. Bu preparatı hamiləlik zamanı təyin etmək məsləhət deyil. Ana südünə keçməsi haqda heç bir məlumat yoxdur. 

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Gabeksat mesilat nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir göstərmir.

İstifadə qaydası və dozası
Preparat venadaxili damcı üsulu ilə təyin olunur. Həlledici olaraq 5%-li qlukoza və ya 500 ml Ringer məhlulu istifadə olunur.Pankreatit zamanı tövsiyə olunan ilkin doza gündə 1-3 flakondur (100-300 mq gabeksat mesilat). Yeridilmə sürəti 8 ml/dəqiqə təşkil edir. Disseminəolunmuş damardaxili qanın laxtalanma sindromu olan xəstələrə sutkalıq doza 20-40 mq/kq təşkil edir.Bu doza damardaxili 24 saat ərzində yeridilir.
Yeridilmə üçün hazırlanma qaydası: flakonun içindəki steril poroşok həlledicidə həll olunur və əlavə olaraq 5%-li qlukoza və ya 500 ml Ringer məhlulunda həll olunaraq dərhal istifadə olunmaldır.

Əlavə təsirləri
İstənilən preparat kimi GABESAT da bəzi xəstələrdə xoşagəlməz hallar yarada bilər.
Əlavə  təsirlərin  tezliyi  aşağıdakı  parametrlərlə  təyin  edilir:

Çox  tez-tez (≥ 1/10);

• İnyeksiya nahiyyəsində zədələnmə (nekrotik xoralar), bərkimə, qızartı və ağrılar.
• Qan damarlarının iltihabı (Flebit)

Tez-tez (≥ 1/100 – < 1/10);

• Allergik reaksiyalar: qaşınma, səpki
• Arterial təzyiqin düşməsi
• Ürəkbulanma və qusma
• Qaraciyərin funksiyasının pozulması (transaminazaların səviyyəsinin artması)

Bəzən (≥ 1/1000 – < 1/100); 

• Qızdırma
• Üzün şişməsi
• Leykositlərin sayının azalması (leykopeniya, qranulositopeniya)
• Qanaxmanın artması
• Dərinin və göz almasının saralması (sarılıq)

Məlum  deyil (əldə  olan  məlumatlar  görə  tezliyi  qiymətləndirmək  mümkün  deyil).

• Allergik reaksiyalar (anafilaktik şok)
• Arterial təzyiqin enməsi
• Döş qəfəsində sıxılma hissi
• Tənəffüsün çətinləşməsi
• Boğulma (qırtlağın ödemi hesabına)
• Baş ağrıları
• Eozinofiliya
• Qanda natriumun səviyyəsinin azalması (hiponatriemiya)
• Qanda kaliumun səviyyəsinin artması (hiperkaliemiya)

Doza həddinin aşılması
Bu preparat yalnız həkim tərəfindən təyin olunur. Doza həddinin aşılması zamanı müşahidə olunan əlavə təsirlər: baş ağrıları, arterial təzyiqin düşməsi, qanın laxtalanma sisteminin pozulması, qanaxma, ürəkbulanma,qusma, diareya, səpki, qaşınma və üzün şişməsi. Qeyd olunan hər hansı əlamət baş verərsə bu haqda dərhal həkiminizə müraciət edin.

 Buraxılış forması
100 mq poroşokdan ibarət 1 flakon və 1 ədəd 5 ml həlledici olan ampul karton qutuda içlik vərəqi ilə birlikdə qablaşdırılıb.

Saxlanma şəraiti
25ºС  temperaturdan  yüksək  olmayan, işıqdan  qorumaqla  və uşaqların əli çatmayan yerdə saxlamaq lazımdır.

Yararlılıq müddəti
Yararlılıq müddəti bitdikdən sonra istifadə etmək olmaz. 

Aptekdən buraxılma şərti
Resept əsasında buraxılır.

Əmtəə nişanının və məhsulun sahibi:
GABESAT əmtəə nişanın və məhsulun sahibi “Novator Pharma” LLP, Böyük Britaniya

 İstehsalçı
Bioindustrial Laboratorio Italiano Medicinali S.p.A., (Bioindustria L.I.M.) Via De Ambrosiis n.2 15067 Novi Ligure (Alessandria)