Meloksevin

Tərkibi
Təsiredici maddə:1 tabletin tərkibində 7,5 mq meloksikam vardır.
Farmakoterapevtik qrupu
Qeyri-steroid iltihab əleyhinə preparatlar, oksikamlar.Farmakoloji xüsusiyyətləri
Farmakodinamikası
Meloksikam qeyri-steroid iltihabəleyhinə dərman vasitəsi olmaqla, iltihabəleyhinə, ağrıkəsici, qızdırmasalıcı təsirlərə malikdir. Təsir mexanizmi siklooksigenaza-2-ni (COX-2) seçici olaraq inaktivləşdirməklə, iltihab mediatorlarının – prostaqlandinlərin biosintezini tormozlamasına əsaslanır. Siklooksigenaza-1 (SOG-1) ilə oxşarlığına görə, terapevtik dozalarda mədə-bağırsaq traktı və böyrəklərdə sitoprotektiv prostaqlandinlərin biosintezinə neqativ təsir göstərmir, həmçinin, trombositlərin funksional aktivliyini ləngitmir. Xondroneytral preparatdır, oynaq qığırdaqları xondrositlərinin proteoqlikan sintezinə təsir etmir.
Farmakokinetikası
Meloksikam  mədə-bağırsaq traktından yaxşı sorulur ki, bu da preoral qəbul zamanı  89% təşkil edən  yüksək biomənimsənilmə göstərir. Uzun müddətli qəbul zamanı tarazlıq  3 – 5 gün ərzində əldə edilir. Meloksikamın maksimum konsentrasiyası 5-6 saat ərzində qan plazmasında tarazlıq vəziyyətinə  çatır. Meloksikamın   yemək vaxtı peroral  qəbulu sorulmanı  dəyişmir. Meloksikam qan plazmasının zülalları ilə, ən əsası da albuminlərlə aktiv birləşir (99%). Meloksikam  sinovial  mayeyə daxil olur, qan plazmasında müəyyən edilən dərman konsentrasiyasının yarısına bərabər konsentrasiyaya çatır. Meloksikam qaraciyərdə  intensiv  metabolik dəyişikliklərə məruz qalır. Meloksikam əsasən sidik və nəcislə  metabolitlər şəklində ifraz edilir.
Pasientlərin ayrı-ayrı qrupları
Böyrək və ya qara ciyər çatışmamazlığı olan şəxslər
Yungül  dərəcədən  orta dərəcəyədək  ifadə olunan  qara ciyər çatışmazlığı, həmçinin böyrək çatışmazlığı  meloksikamın farmakokinetikasına əhəmiyyətli dərəcədə təsir göstərmir. Uremiya zamanı paylanma həcminin artması sərbəst meloksikamın  daha yüksək konsentrasiyasına gətirib çıxara bilər. Odur ki, sutkalıq dozanı 7,5 mq-dan  çox artırmaq  lazım deyil.

İstifadəsinə göstərişlər
Oynaqların  revmatoid və degenerativ xəstəliklərinin  gedişi  zamanı  sümük-oynaq və əzələ ağrıları zamanı iltibahəleyhinə və ağrıkəsici dərman kimi istifadə edilir.
Aşağıdakı  revmatoid xəstəliklərin kəskinləşməsi zamanı qısamüddətli müalicədə istifadə edilir:

  • revmatoid artrit,
  • yuvenil  revmatoid  artrit,
  • ankilozlaşdırıcı  spondiloartrit (Bexterev xəstəliyi).

Əks göstərişlər
Meloksikama və ya bu preparatın hər hansı başqa bir komponentinə qarşı allergiya;  15 yaşdan aşağı şəxslərdə;  aspirinə  (yüksək həssaslıq) və ya digər  qeyri-steroid  iltihabəlehyinə  vasitələrə  (QSİƏP) qarşı allergiya;
Hamiləlik: Hamiləlik zamanı Meloksevin dərmanı qəbul edilməməlidir. Hamiləliyin son üç ayı ərzində  Meloksevin preparatını qəbul etmək olmaz, belə ki o, uşağa,  xüsusən  qan dövranı və tənəffüs sistemlərinə,  həmçinin  böyrəklərə  hətta bir dəfə qəbul edildikdən sonra ciddi təsir göstərə bilər.
Laktasiya dövrü: Uşaq əmizdirən qadınlara Meloksevin dərmanı tövsiyə edilmir.

İstifadə qaydası və dozası
Tövsiyə edilən doza – sutkada 1 (bir) tabletdir.  Meloksevin  qida qəbulu ilə eyni zamanda, üstündən su və ya başqa maye qəbul etməklə qəbul edilməlidir. Müalicə müddəti:həkim məsləhəti olmadan 7 gündən çox qəbul etmək olmaz.

Əlavə təsirləri
Həzmin pozulması (dispepsiya),  ürəkbulanma və qusma, baş ağrısı, başgicəllənmə, yuxululuq (süstlük), anemiya (qanda hemoqlobinin azalması), qan təzyiqinin qalxması (arterial hipertoniya), taxikardiya (ürək döyüntülərinin artması), əzələ zəifliyi; qastrit, mədə-bağırsaq traktından qanaxma, mayenin bədəndə ləngiməsi ilə bağlı ödem, o cümlədən topuqların və ya ayaqların ödemi (aşağı ətrafların ödemi),  qara ciyər müvəqqəti pozulması,  böyrəklərin funksiyasının pozulması (məsələn kreatinin və ya sidik cövhərinin səviyyəsinin artması).

Buraxılış forması
Meloksevin №20 tablet. 10 tablet, blisterdə. 2 blister içlik vərəqə ilə birlikdə karton qutuya qablaşdırılır.
Yararlılıq müddəti  başa çatdıqdan sonra qəbul etmək olmaz.

İstehsalçı
«Biofarm» Sp. z o.o., 60-198 Poznan şəhəri, Valbjiska 13, Polşa. Tel. +48 61 66-51-500.