Bisotren

Farmakoloji xüsusiyyətləri
Farmakodinamikası
Selektiv beta-1-adrenoblokatordur. Müalicəvi dozalarda istifadə olunarkən daxili simpatomimetik aktivliyə və klinik nəzərəçarpan membranstabilləşdirici xüsusiyyətlərə malik deyil. Antianginal təsir göstərir: ürək vurğularının sayını, ürəkdən qovulan qanın həcmini, arterial təzyiqi azaltmaq hesabına miokardın oksigenə olan tələbatını azaldır, diastolik təzyiqi azaltmaq və diastola müddətini uzatmaq hesabına isə miokardın oksigenlə təchizatını artırır.
Ürəkdən qovulan qanın həcmini, böyrəklərdə reninin sekresiyasını tormozlamaq, eləcə də aorta qövsündəki və karotid cibdəki baroreseptorlara təsir hesabına hipotenziv təsir göstərir. BISdan uzun müddət istifadə olunarkən ilk növbədə yüksəlmiş periferik damar müqaviməti azalır. Xroniki ürək çatmamazlığı zamanı preparat aktivləşmiş simpatoadrenal və renin-angiotenzin-aldosteron sistemin fəaliyyətini ləngidir. BISOTREN bronx və damarların saya əzələlərinin beta-2-reseptorları, eləcə də endokrin sistemin beta-2-reseptorları ilə çox zəif oxşarlığa malikdir. Preparat yalnız tək-tək hallarda bronx və periferik arteriyaların saya əzələlərinə, həmçinin qlükozanın metabolizminə təsir edə bilər. Birdəfəlik istifadə zamanı bisoprololun təsiri 24 saat ərzində saxlanır.
Farmakokinetikası
BISOTREN daxilə qəbul etdikdən sonra mədə-bağırsaq traktından yaxşı sorulur. Bioloji mənimsənilməsi 90% təşkil edir və qida qəbulundan asılı deyildir. Qan plazmasında maksimal konsentrasiyaya 1-3 saatdan sonra əldə edilir. 30%-i plazma zülalları ilə birləşir. Qaraciyərdən «ilk keçid» effekti zəifdir (10%-dən az). Dozanın təxminən 50%-i qeyri-aktiv metabolitlər əmələ gətirməklə biotransformasiya olunur. Təxminən 98%-i böyrəklərlə xaric olunur; 50%-i dəyişilməmiş formada, yerdə qalan hissəsi isə qeyri-aktiv metabolitlər şəklində, 2%-i isə nəcislə xaric olur. Yarımparçalanma dövrü 10-12 saatdır.

İstifadəsinə göstərişlər

• Arterial hipertenziya
• Ürəyin işemik xəstəliyi (stenokardiya)
• Xroniki ürək çatəşmazlığı

Əks göstərişlər

• dekompensasiya mərhələsində olan ürək çatəşmazlığı;
• kardiogen şok
• II və III dərəcəli atrioventrikulyar blokada;
• qulaqcıq düyününün zəifliyi sindromu;
• aydın təzahür edən sinoatrial blokada,
• simptomatik bradikardiya (ürək vurğularının sayının 1 dəqiqədə 50-dən az olması);
• simptomatik arterial hipertenziya (sistolik arterial təzyiqin 90 mm.c.süt-dan az olması);
• ağır gedişatlı bronxial astma və tənəffüs yollarının digər obstruktiv xəstəlikləri
• periferik qan dövranının pozğunluqlarının gecikmiş mərhələsi, Reyno xəstəliyi;
• müalicə olunmamyan feoxromasitoma;
• metabolik asidoz
• MAO inhibitorlarının eyni vaxtda istifadəsi (B tipindən olan MAO inhibitorları istisna olmaqla);
• psoriaz (o cümlədən ailə anamnezində olması);
• hamiləlik və laktasiya dövrü;
• uşaq yaşları;
• preparatın komponentlərinə qarşı yüksək həssaslıq.

Hamiləlik və laktasiya dövründə istifadəsi
Preparatı hamiləlik və laktasiya dövründə istifadə etmək məsləhət görülmür.

Uşaqlarda. Preparatın effektivliyi və təhlükəsizliyi barədə kifayət qədər məlumatlar olmadığından uşaqlarda müalicə məqsədilə istifadəsi tövsiyə olunmur.

Xüsusi göstərişlər
Müalicəni qəflətən dayandırmaq olmaz, müalicə kursunu dozanı tədricən azaltmaqla yavaş-yavaş sona çatdırmaq lazımdır.Aşağıdakı hallarda preparat ehtiyatla istifadə olunmalıdır:

• Qanda qlükozanın səviyyəsi kəskin dəyişən şəkərli diabetli xəstələrdə. Hipoqlikemiyanın simptomlarının gizli olma ehtimalı (məsələn, taxikardiya, ürəkdöyünmə hissi, tər ifrazının artması) nəzərə alınmalıdır;
• Ciddi pəhriz saxlayarkən;
• Desensabilizəedici terapiya zamanı;
• I dərəcəli atrioventrikulyar blokadalarda;
• Prinsmetal stenokardiyası zamanı;
• Periferik qan dövranının pozulması (müalicənin xüsusən başlanğıcında şikayətlərin artması mümkündür).

Anamnezində bronxial astması olan xəstələrdə malicəyə başlamazdan əvvəl xarici tənəffüs funksiyasının müayinələrinin aparılması məsləhətdir.Ümumi anesteziyadan istifadə olunmaqla cərrahi əməliyyat planlaşdırılan hallarda həkim-anestezioloqu beta-adrenoreseptorların qəbulu barədə mütləq məlumatlandırmaq vacibdir. Cərrahi müdaxilə zamanı beta adrenoreseptorların blokatorlarının qəbulu məsləhət görülmür, çünki, bu aritmiya və miokardın işemiya riskini artıra bilər.
Ümumi anesteziyaya 48 saat qalana qədər dozanı tədricən azaldaraq preparatın qəbulunu dayandırmaq lazımdır. Əvvəlcədən effektiv alfa-adrenoblokada əldə olunmayan hallarda preparatı feoxromasitomalı xəstələrə təyin etmək olmaz.
Preparatın qəbulu fonunda tireotoksikozun simptomları maskalana bilər.
Preparatla müalicə ərzində alkohol qəbul etmək olmaz.Preparatın tərkibində laktoza vardır. Buna görə də qalaktozaya dözülməzliyin nadir irsi formaları, laktaza çatmamazlığı və qlükoza-qalaktoza malabsorbsiyası olan xəstələr bu preparatdan istifadə etməməlidir.

Nəqliyyat vasitələrini və potensial təhlükəli mexanizmləri idarəetmə qabiliyyətinə təsiri.
Fərdi hallarda müalicənin başlanğıcında və preparat dəyişdirilərkən nəqliyyat vasitələrini və mürəkkəb mexanizmləri idarəetmə qabiliyyəti zəifləyə bilər.

Digər dərman vasitələri ilə qarşılıqlı təsiri

Kalsium kanallarının blokatorları (dihidropiridin törəmələri) BISOTREN-in hipotenziv təsirini artırır. Beta-reseptorların blokatorları ilə eyni vaxtda istifadə olunarkən hipoqlikemiya simptomları gizli qala bilər. Verapamil, diltiazem, klonidin, metildopa, moksinidin, rezerpinlə eyni vaxtda istifadə olunması bradikardiyanın, atrioventrikulyar blokadanın, ürək çatmamazlığının inkişafına və pisləşməsinə, arterial təzyiqin enməsinə gətirib çıxara bilər.
BISOTRENi aritmiyaəleyhi vasitələrlə (fenitoin, dizopiramid, lidokain, flekainid, amiodaron) eyni vaxtda istifadə edərkən keçiriciliyin pozulması və mənfi inotrop effekt meydana çıxa bilər.Parasimpatomimetik preparatlarla eyni vaxtda istifadə edildikdə atrioventrikulyar keçiriciliyin müddəti uzanır və bradikardiyanın meydana çıxma riski artır.BISOTRENi beta-blokatorlarla (qlaukomanın müalicəsində istifadə olunan damcıların tərkibindəki) eyni vaxtda istifadə edərkən bisoprololun təsiri arta bilər. İnsulin və peroral diabet əleyhi preparatlarla eyni vaxtda istifadə edildikdə hipoqlikemiyanın inkişaf riski artır.Anesteziya üçün vasitələrlə eyni vaxtda istifadə edildikdə aritmiya və miokardın işemiya riski arta bilər. Ürək qlükozidləri ilə (üskükotu preparatları) eyni vaxtda istifadə edildikdə ürək urğularının sayının azalmasına, atrioventrikulyar keçiriciliyin pozulmasına gətirib çıxara bilər. Bisoprololun hipotenziv təsiri qeyri-steroid iltihabəleyhi vasitələrlə birgə istifadə zamanı zəifləyir. Beta-simpatomimetiklərlə (dobutamin, orsiprenalin) eyni vaxtda istifadə olunarkən hər iki vasitənin təsiri zəifləyə bilər. Alfa- və beta-adrenoreseptorları (adrenalin, noradrenalin) aktivləşdirən simpatomimetiklər arterial təzyiqi artırır və fasiləli axsama hallarını artırır.Trisiklik antidepressantlar, barbituratlar, fenotiazin hipotenziv təsiri artırır. MAO inhibitorları (B tipindən olan MAO inhibitorları istisna olmaqla) ilə eyni vaxtda istifadə olunarkən preparatın hipotenziv təsiri artır (bax. “Əks göstərişlər”).

İstifadə qaydası və dozası
Acqarına və ya səhər yeməyi zamanı çeynəmədən kifayət qədər su ilə daxilə qəbul olunur.
Arterial hipertenziya və stabil stenokardiyanın müalicəsi:
Arterial hipertenziya və stabil stenokardiyalarda başlanğıc doza gündə 2,5-5 mq təşkil edir, orta gündəlik doza – 5-10 mq, maksimal gündəlik doza – 20 mq-dır.
Xroniki ürək çatəşmazlığının müalicəsi.
Xroniki ürək çatmamazlığı zamanı preparat son 6 həftə ərzində kəskinləşməsiz stabilləşmə vəziyyətində olan və sistolik funksiyanın zəifləməsi ilə (exokardioqrafik məlumatlara görə qovulan fraksiya ≤35%) müşayiət olunan az nəzərə çarpan və ağır ürək çatmamazlığı olan xəstələrə təyin edilir. Başlanğıc doza birinci həftə ərzində 1.25 mq-dan gündə 1 dəfədir (belə dozalanma imkanları olan bisoprolol preparatından istifadə olunur). İkinci həftə ərzində gündə 2,5 mq təyin edilir. Üçüncü həftə ərzində isə müalicə dozası gündə 3, 75 mq-dır (belə dozalanma imkanları olan bisoprolol preparatından istifadə olunur). 4-cü həftədən 8-ci həftəyə qədər 5 mq təyin edilir. Sonra doza 7,5 mq-a qədər artırılır (8-ci həftədən 12-ci həftəyə qədər). Müalicənin 12-ci həftədən sonra maksimal gündəlik doza – 10 mq təyin edilir. Preparatın dozasının artırılması ürək yığılmalarının tezliyi,arterial təzyiq, xəstənin ümumi vəziyyətinin göstəriciləri əsasında tənzimlənir.Maksimal doza gündə 10 mq-dır.Xroniki ürək çatmamazlığı olan xəstələrin müalicəsi zamanı BISOTREN-i angiotenzin çevirici fermentin inhibitorları, diuretiklər və ürək qlükozidləri ilə kombinə etmək olar. preparatın 1,25 mq-ı ilə müalicəyə başladıqdan sonra xroniki ürək çatmamazlığı olan xəstə 4 saat ərzində müayinə olunmalıdır (arterial təzyiq, ürək vurğularının sayı, keçiriciliyin pozulması, ürək çatmamazlığı simptomlarının artması); lazım olan hallarda preparatın qəbulu dayandırılır.
Qaraciyər və böyrək çatəşmazlığı olan xəstələr.
Yüngül və orta ağırlıqda qaraciyər və böyrək çatmamazlığı olan xəstələr üçün dozanın seçilməsinə adətən ehtiyac olmur.Böyrəklərin funksiyası nəzərə çarpacaq qədər azalmış xəstələr (kreatininin klirensi 20 ml/dəq-dən az) və qaraciyər funksiyasının ağır formalı pozğunluqları olan xəstələr üçün doza 10 mq-dan artıq olmamalıdır.Doza fərdi olaraq seçilir.Müalicə kursu uzunmüddətlidir və xəstəliyin xarakteri və gedişindən asılıdır.Müalicəni qəflətən dayandırmaq olmaz!Əlavə təsirləriArzuolunmaz təsirlər rastgəlmə tezliyinə görə aşağıdakı kateqoriyalar üzrə təsnif olunur:Çox tez-tez (>1/10), tez-tez (>1/100 və <1/10), bəzən (>1/1000 və <1/100), nadir hallarda (>1/10000 və <1/1000), çox nadir hallarda(<1/10000).
Sinir sisteminə: tez-tez – başgicəllənmə, baş ağrısı (xüsusən müalicənin əvvəlində, adətən zəif təzahür edir və 1-2 həftəyə keçib gedir); bəzən – depressiya, yuxu pozğunluğu; nadir hallarda – halüsinasiya, paresteziyalar.
Görmə orqanlarına: nadir hallarda – görmə pozğunluğu, gözyaşı ifrazının azalması (kontakt linza taxanlar bunu nəzərə almalıdır); çox nadir hallarda – konyunktivit.
Eşitmə orqanlarına: nadir hallarda – eşitmə pozğunluğu.
Ürək-damar sisteminə: çox tez-tez – bradikardiya (xroniki ürək çatmamazlığı olan xəstələrdə); tez-tez – ətraflarda soyuqluq və ya keyimə hissi, müalicənin başlanğıcında ürək çatmamazlığının gedişinin pisləşməsi əlamətləri (xroniki ürək çatmamazlığı olan xəstələrdə); bəzən – atrioventrikulyar keçiriciliyin pozulması (arterial hipertenziyalı və ürəyin işemik xəstəliyi olan xəstələrdə), ortostatik hipotenziya.
Tənəffüs sisteminə: bəzən – anamnezində bronxial astması və tənəffüs yollarının xroniki obstriktiv xəstəlikləri olan xəstələrdə bronxospazm; nadir hallarda – allergik rinit.
Mədə-bağırsaq traktına: tez-tez – ürəkbulanma, qusma, ishal, qəbizlik.
Hepatobiliar sistemə: qan plazmasında qaraciyər fermentlərinin (AST, ALT) fəallığının artması, hepatit.
Dəriyə və sümük-əzələ sisteminə: bəzən – əzələ zəifliyi, qıcolmalar; nadir hallarda – hiperhəssaslıq reaksiyaları (qaşınma, tərləmənin artması, səpki); çox nadir hallarda – saçların tökülməsi, beta-reseptorların blokatorları ilə müalicə zamanı psoriazlı xəstələrdə psoriatik səpkilər şəklində vəziyyətin pisləşməsi mümkündür.
Endokrin sistemə: nadir hallarda – metabolizm pozğunluğuqanda (qanda triqliseridlərin səviyyəsinin yüksəlməsi).
Sidik-cinsiyyət sisteminə: nadir hallarda – potensiyanın pozulması.
Ümumi pozğunluqlar: tez-tez – asteniya (xroniki ürək çatmamazlığı olan xəstələrdə), yorğunluğun artması (xüsusən müalicənin başlanğıcında, adətən zəif olur və 1-2 həftədən sonra keçir); bəzən – asteniya (arterial hipertenziyalı və ürəyin işemik xəstəliyi olan xəstələrdə)Doza həddinin aşılması
Simptomları: bradikardiya, arterial hipotenziya, ürək çatəşmazlığı, bronxospazm, hipoqlikemiya.
Müalicəsi: preparatın qəbulunu dayandırmalı, mədəni yumaq və aktivləşdirilmiş kömür qəbul etmək lazımdır. Lazım olan hallarda – simptomatik müalicə aparıla bilər.Bradikardiya zamanı: vena daxilinə atropin.Arterial hipotenziya zamanı: damardaraldıcı preparatların qəbulu, qlükaqonun vena daxilinə yeridilməsi.II və III dərəcəli atrioventrikulyar blokadalar zamanı: orsiprenalinin infuziyası; lazım olan hallarda – kardiostimulyasiya.Ürək çatışmazlığı zamanı vəziyyətin pisləşməsi baş verdikdə: diuretik vasitələrin vena daxilinə yeridilməsi.Bronxospazm zamanı: bronxolitik preparatlar (məsələn, orsiprenalin), beta-2-adrenomimetiklər və/ və ya eufillin.Hipoqlikemiya zamanı: vena daxilinə qlükozanın yeridilməsi.

Buraxılış forması
2,5 mq tabletlər. Blisterdə 10 tablet. 2 blister içlik vərəqə ilə birlikdə karton qutuya qablaşdırılır.
5 mq və 10 mq tabletlər. Blisterdə 10 tablet. 2 və ya 5 blister içlik vərəqə ilə birlikdə karton qutuya qablaşdırılır.

Saxlanma şəraiti
25ºC-dən aşağı temperaturda, işıq düşməyən və uşaqların əli çatmayan yerdə saxlayın.

Yararlılıq müddəti
2 il (2,5 mq-lıq tabletlər üçün)3 il (5 və 10 mq-lıq tabletlər üçün) Yararlılıq müddəti bitdikdən sonra tabletlərdən istifadə etmək olmaz.

Aptekdən buraxılma şərti
Resept əsasında buraxılır.