Trimipan

Dərman vasitəsinin istifadəsi üzrə təlimat (xəstələr üçün)

TRIMIPAN göz damcısı
TRIMIPAN

Beynəlxalq patentləşdirilməmiş adı: Tobramisin sulfat + Deksametazon natrium fosfat

Təsiredici maddə:   1 ml məhlulun tərkibində 3 mq tobramisin sulfat, 1 mq deksametazon natrium fosfat vardır.
Köməkçi maddələr: benzalkonium xlorid məhlulu, bor turşusu, boraks, natrium sulfat, dinatrium EDTA, tvin 80, tiosidik cövhəri, fosfat turşusu, inyeksiya üçün su.

Təsviri
Şəffaf, rəngsiz məhluldur.

Farmakoterapevtik qrupu
Oftalmologiyada istifadə edilən məhlul: İltihabəleyhinə və antibakterial preparatlar həmçinin, kоrtikоsterоidlər kоmbinəolunmuş şəkildə.

ATC kodu: S01CA01.

Farmakoloji xüsusiyyətləri
Tobramisin: bakteriyanın ribosomlarında 30S subvahidinə birləşərək bakteriyanın zülal sintezini pozur və nəticədə bakteriyanın hüceyrə membranının tamlığını pozur.
Deksametazon: Neytrofillərin miqrasiyasını və iltihabi mediatorlarının sintezinin azaldır, kapilyar keçiriciliyini normallaşdırmaqla iltihabı aradan qaldırır.

Farmakodinamikası
Deksametazon
Leykositlərin və toxuma makrofaqlarının funksiyalarını pozur. Leykositlərin iltihab sahəsinə miqrasiyasını məhdudlaşdırır. Makrofagların faqositoz qabiliyyətini, həmçinin interleykin-1 əmələ gəlməsini pozur. Lizosomal membranların sabitləşməsinə kömək edir, bununla da iltihab nahiyəsində proteolitik fermentlərin konsentrasiyasını azaldır. Histaminin səbəb olduğu kapilyar keçiriciliyi azaldır. Fibroblastların fəaliyyətini və kollagen sintezinin qarşısını alır.

Fosfolipaza A2-nin təsirini blokada edir, bu da prostaqlandinlərin və leykotrienlərin sintezinin qarşısını alır. COX (əsasən COX-2) sintezini blokada etdiyindən,  prostaglandinlərin əmələ gəlməsinin qarşısını alır.

Qan dövranında olan limfositlərin (T- və B-hüceyrələrinin), monositlərin, eozinofillərin və bazofillərin damar mənfəzində limfoid toxumasına miqrasiyasının, antitellərinin sintezinin qarşısını alır.

Yerli istifadə edildikdə, deksametazonun terapevtik fəaliyyəti iltihab əleyhinə, antiallergik və anti-eksudativ (vazokonstriktor təsirinə görə) təsir göstərir.

Tobramisin
Tobramisin aminoqlikozidlər qrupundan olan geniş təsir spektrli təsirə malik antibiotikdir. Qrammüsbət və qrammənfi mikroorqanizmlərə qarşı aktivdir: Staphylococcus spp. (o cümlədən Staphylococcus aureus, Staphylococcus epidermidis [penisillinə davamlı ştammlar daxil olmaqla]); Streptococcus spp. (o cümlədən A qrupunun bəzi (3-hemolitik streptokokklar qrupları, bəzi qeyri-hemolitik növlər və Streptococcus pneumoniae ştammları), Pseudomonas aeruginosa, Escherichia coli, Klebsiella pneumoniae, Enterobacter aerogenes, Proteııs mirabilis, Morganella morganii, Proteus vulgaris, Haemophilus influenzae, Haemophilus aegyptius, Moraxella lacunata, Äcinetobacter calcoaceticus-un bir çox növləri (Herellea vaginacola), həmçinin Neisseria spp.-nin bəzi növləri.

Farmakokinetikası
Tobramisin
Gözə tətbiq edildikdən sonra buynuz qişa tərəfindən sorulduğu müəyyən edilmişdir. Böyrək funksiyası normal olan xəstələrdə sistematik tətbiqi zamanı yarımparçalanma dövrü təxminən 2 saatdır. Tobramisin tamamilə qlomerulyar filtrasiya yolu ilə, çox az biotransformasiyaya məruz qalaraq xaric edilir. Tobramisin və deksametazon oftalmoloji  məhlulunun 2 günlük yerli tətbiqinin izlənilməsi zamanı tobramisinin plazma konsentrasiyası həddindən artıq aşağı limitdə və ya az olmuşdur (≤ 0.25 mkq/ml).

Deksametazon
Gözə tətbiq edildikdən sonra, deksametazon buynuz qişa və göz mayesində 1-2 saat ərzində maksimum konsentrasiya çataraq gözdən sorulur. Deksametazonun plazma yarımparçalanma dövrü təxminən 3 saatdır. Deksametazon metabolitlər şəklində xaric olunur. Tobramisin və Deksametazon Oftolmaloji suspenziyasının yerli olaraq tətbiqi zamanı, deksametazonun sistem təsiri azdır. Son yerli dozadan sonra deksametazonun plazmada ən yüksək səviyyəsi, ard-arda 2 gün ərzində gündə 4 dəfə hər gözə bir damcı Tobramisin Deksametazon oftolomoloji məhlulunun tətbiqindən sonra 220-888 pq/ml (555 ± 217pq/ml) arasında dəyişmişdir.

İstifadəsinə göstərişlər
Böyüklərə və 2 yaşdan yuxarı uşaqlara

• Kataraktа əməliyyatından sonra yarana biləcək iltihabın profilaktika və müalicəsi
• Bakterial okulyar infeksiyaların profilaktika və müalicəsi
• Gözün buynuz qişası və göz almasının ön seqmentinin iltihabi xəstəliklərində ödem və iltihabın aradan qaldırılması məqsədi ilə
• Kimyəvi maddələr, termiki yanıqlar, radiasiyanın təsirindən və yad cisimlərin düşməsi nəticəsində yaranan gözün buynuz qişasının zədələnmələri

Kortikosteroid tərkibli göz damcıları və göz məlhəmləri yalnız okulyar müayinədən və oftalmoloqun nəzarəti altında təyin edilməlidir.

Əks göstərişlər
Tobramisinə, deksametazona və ya köməkçi maddələrdən hər hansı birinə qarşı yüksək həssaslıq;
Herpetik keratit, Vaccinia, Varicella kimi buynuz qişanın və konyunktivanın digər virus xəstəlikləri;
Mycobacterium tuberculosis, Mycobacterium leprae və ya Mycobacterium avium kimi turşuya-spirtə davamlı basillərlə yaranan, lakin, onlarla məhdudlaşmayan mikobakterial göz infeksiyaları;
Gözün göbələk xəstəlikləri və ya müalicə olunmamış parazitar göz infeksiyaları;
Müalicə olunmamış gözün irinli infeksiyası;
Daha əvvəl miasteniya gravis və ya Parkinson xəstəliyi kimi neyromuskulyar xəstəlikləriniz olubsa, mütləq həkimlə  məsləhətləşin. Bu tip antibiotiklər əzələ zəifləyini gücləndirə bilər.

Xüsusi göstərişlər və ehtiyat tədbirləri
TRIMIPAN preparatı yalnız yerli istifadə üçündür.

Kortikosteroidlərin yerli olaraq gözdə uzunmüddətli istifadəsi (24 gündən çox) və ya istifadə tezliyinin artırılması gözdaxili təzyiqin yüksəlməsinə və ya görmə sinirinin zədələnməsi, görmə itiliyinin pоzulması, görmə sahəsinin pоzulması və arxa subkapsulyar kataraktanın yaranması ilə müşayiət оlunan qlaukоmaya gətirib çıxara bilər.

Görmə pozğunluğu
Sistematik və yerli olaraq kortikosteroidlərin istifadəsi görmə pozğunluqlarına səbəb ola bilər. Bir xəstə bulanıq görmə və ya digər görmə pozğunluqları kimi simptomlarla müraciət edərsə, sistem və yerli kortikosteroidlərin istifadəsindən sonra yarana biləcək katarakta, qlaukoma və ya mərkəzi seroz xorioretinopatiya kimi nadir rast gəlinən xəstəliklərin mümkün olan səbəblərinin qiymətləndirilməsi üçün xəstəni göz həkiminə istiqamətləndirmək mütləqdir.

Gözdaxili təzyiqin tez-tez ölçülməsi məsləhət görülür. Bu xüsusilə deksametazon tərkibli preparatları istifadə edən pediatrik xəstələrdə çox vacibdir, çünki steroidlərin istifadəsi ilə əlaqəli okulyar hipertenziya riski 6 yaşına qədər olan uşaqlarda daha çox müşahidə edilə bilər və yetişkinlərdə steroid cavabından daha tez yarana bilər. Pediatrik xəstələrdə steroidlə əlaqəli gözdaxili təzyiqin daha tez və daha yüksək artım riski nəzərə alınaraq müalicənin tezliyi və müddəti diqqətli düşünülməli və müalicənin başlanğıcından etibarən gözdaxili təzyiq nəzarətdə saxlanılmalıdır.

Uzunmüddətli istifadəsi cavab reaksiyasının uzanması səbəbindən ikincili okulyar infeksiyalara da səbəb ola bilər. Kortikosteridlər bakterial, viral, funqal və ya parazitar infeksiyalara qarşı rezistentliyi azalda bilər və yaranmasına kömək edə bilər, infeksiyanın klinik simptomlarını gizlədə bilər.

Aminоqlikоzidlərin yerli оlaraq istifadəsindən sоnra bəzi pasiyentlərdə həssaslıq reaksiyaları yarana bilər. Yüksək həssaslıq reaksiyalarının şiddəti, yerli təsirlərdən eritema, qaşıntı, övrə, ekzema, anafilaksiya, anafilaktoid reaksiyalar və yaxud büllyoz reaksiya kimi reaksiyalara kimi dəyişə bilər. Hiperhəssaslıq reaksiyaları əlamətlərinin yaranması zamanı preparatın istifadəsi dayandırılmalıdır.
Digər aminqlikozidlərə qarşı çarpaz həssaslıq yarana bilər və yerli tobramisinə həssaslıq yaranana kimi xəstələrin digər yerli və/və ya sistem aminqlikozidlərə qarşı həssas olma ehtimalı nəzərə alınmalıdır.
Sistem aminoqlikozid müalicəsi alan xəstələrdə neyrotoksiklik, ototoksiklik və nefrotoksiklik kimi ciddi əlavə reaksiyalar yaranmışdır. TRIMIPAN göz damcısının sistem aminoqlikozidlərlə birlikdə istifadə edildiyi zaman ehtiyatlı olmaq məsləhət görülür.
TRIMIPAN göz damcısı miasteniya qravis və ya Parkinson xəstəliyi kimi məlum olan və ya ehtimal olunan sinir-əzələ pozğunluğu olan xəstələrə təyin edilən zaman diqqətli olmaq lazımdır. Aminqlikozidlərin sinir-əzələ funksiyaları üzərindəki potensial təsirləri səbəbiylə əzələ zəifliyini artıra bilər.
Daimi buynuz qişa xorası olan xəstələrdə göbələk infeksiyası istisna edilməlidir. Göbələk infeksiyası yaranarsa kortikosteroid müalicəsi dayandırılmalıdır.
Tobramisin kimi antibiotiklərin uzunmüddətli istifadəsi göbələklərin hətta digər mikroorqanizmlərin çoxalmasına səbəb ola bilər. İnfeksiyanın şiddəti artarsa müvafiq olaraq uyğun müalicəyə başlanılmalıdır.
Yerli oftalmoloji kortikosteroidlər buynuz qişanın xorasının sağalmasını ləngidə bilər. Yerli istifadə olunan QSİƏP-lərin  sağalmanı ləngitdiyi məlumdur.
Preparatın istifadəsi zamanı yumşaq kontakt linzalar çıxarılmalıdır. Ən azı 15 dəq. sonra yenidən taxıla bilər.

Digər dərman vasitələri ilə qarşılıqlı təsiri
Yerli göz damcısının digər dərman vasitələri ilə heç bir klinik təsiri aşkar edilməmişdir. Yerli istifadə olunan steroidlərin və QSİƏP-lərin eyni zamanda istifadəsi buynuz qişanın müalicəsində əlavə təsirlər riskini artıra bilər.
Deksametazon sitoxrom P₄₅₀3A4 (CYP3A4) vasitəsilə metbaboilzmə uğrayır. CYP3A4 inhibitorları (ritonavir və kobisistat daxil olmaqla), deksametazon klirensini azalda bilər və bu zaman yan təsirlər arta bilər, həmçinin Kuşinq sindromu və ya hiperkortisizm yarana bilər. Faydası sistem kortikosteroidlərin əlavə təsirlərindən üstün olmadığı təqdirdə bu kombinasiyadan çəkinmək lazımdır, həmçinin bu vəziyyətdə xəstələrin sistem kortikosteroid təsirləri izlənilməlidir. 

Hamiləlik və laktasiya dövründə istifadəsi
Hamiləlik
Hamilə qadınlarda tobramisin və deksametazonun yerli istifadəsinə dair məlumatlar yoxdur və ya çox az miqdardadır. Tobramisinin hamilə qadınlarda venadaxili tətbiqindən sonra plasentadan dölə keçir. Tobramisinin uşaqlarda ototoksik təsirə səbəb olması müşahidə edilmir. Hamiləlik zamanı uzunmüddətli və ya təkrarlanan kortikosteroidlərin istifadəsi dölün inkişafının ləngiməsi kimi anomaliyalara səbəb ola bilər. Hamiləlik zamanı kortikosteroid qəbul edən analardan dünyaya gələn uşaqlar hipoadrenalizm simptomlarına görə diqqətlə izlənilməlidir. Heyvanlar üzərində aparılan tədqiqalar zamanı tobramisin və deksametazonun sistem tətbiqindən sonra reproduktiv toksikilik simptomları müşahidə edilmişdir. Bu təsirlər preparatın doza həddinin aşılması zamanı müşahidə edilmişdir.

TRIMIPAN-ın hamiləlik zamanı istifadəsi tövsiyə edilmir.

Laktasiya  dövrü
Tobramisin sistem tətbiqindən sonra ana südünə keçir. Dekasmetazonun ana südünün tərkibinə keçməsi haqqında isə məlumatlar mövcud deyil. Tobramisin və deksametazonun gözə yerli tətbiqinin öyrənilməsi zamanı ana südünə keçib keçmədiyi bilinmir. Tobramisin və Deksametazonun miqdarının ana südündə aşkarlanması və ya preparatın yerli istifadəsindən sonra körpədə klinik təsir göstərməsi ehtimalı azdır.
Südəmər körpə üçün risk gözardı edilməməlidir. Südvermənin dayandırılıb dayandırılmamağı və ya südəmər körpə üçün faydası və müalicənin ana üçün faydası nəzərə alınaraq müalicəni dayandırma və ya müalicədən imtina qərarı qəbul edilməlidir.

Fertillik
Tobramisin insan və ya heyvan reproduktivliyi üzərindəki təsirini qiymətləndirmək üçün tədqiqatlar aparılmamışdır. Deksametazonun kişi və ya qadın reproduktivliyi üzərindəki təsirini qiymətləndirmək üçün yetərli klinki tədqiqatlar haqqında məlumatlar mövcud deyil.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
TRIMIPAN preparatının nəqliyyat vasitələrini və digər mexanizmləri idarə etmək bacarığı üzərində təsiri yoxdur və ya əhəmiyyətsiz dərəcədədir.
Nəqliyyat vasitələrini və digər mexanizmləri idarə etmək bacarığı üzərindəki təsirləri barədə hər hansı tədqiqat aparılmamışdır.
Bütün digər göz damcılarında olduğu kimi preparat damızdırıldıqdan sonra qısamüddətli bulanıq görmə baş verə bilər. Bu vəziyyətlərin davam etdiyi müddətdə nəqliyyat vasitələrini idarə etməkdən və ya təhlükəli mexanizmləri idarəetməzdən əvvəl görmənin aydınlaşmasını gözləmək lazımdır.

İstifadə qaydası və dozası
Oftalmoloji suspenziya 2 yaşdan yuxarı uşaqlara və böyüklərə eyni dozada istifadə edilə bilər. Hər 4-6 saatdan bir 1 damcı konyunktiva kisəsinə damızdırılır. Kataraktanın cərrahi əməliyyatından sоnrakı ilk 24-48 saat ərzində hər iki saatdan bir 1 damcıya qədər artırıla bilər. Dozalanma maksimum 24 gündən çox olmamaq şərtilə 14 gün davam etdirilməlidir. Preparatın istifadə tezliyi klinik vəziyyətdən asılı оlaraq tədricən azaldılmalıdır. Müalicəni vaxtından əvvəl dayandırmamaq üçün diqqətli olmaq lazımdır.
Yaşlılarda istifadə üçün  dоzanın tənzimlənməsinə ehtiyac yоxdur.

İstifadə qaydası
İstifadədən qabaq flakоn yaxşıca çalxalanmalıdır.

Damızdırıcını və suspenziyanı infeksiyalaşmadan qorumaq üçün damızdırıcının ucunu göz qapaqlarına və ya digər səthlərə tоxundurmaq оlmaz. İstifadə edilmədiyi zaman flakonun ağzı bağlı saxlanılmalıdır. Qapağı açıldıqdan sonra təmasın qarşısını almaq üçün flakonun ağzında tıxanma varsa, istifadə etməzdən əvvəl yaxşı çalxalamaq lazımdır. Damızdırmadan sonra ən az 1 dəqiqə göz qapağı (qapaqlarının) və nasolakrimal okulyasiya ehtiyatla bağlanılması məsləhət görülür. Bu, gözə tətbiq edilən dərmanların sistem absorbsiyasını azaldır və sistem əlavə təsirlər də minimuma enir. Digər yerli oftalmoloji drəmanlarla eyni zamanda istifadəsi tövsiyə edildikdə dərmanların istifadəsi arasında 5 dəqiqəlik fasilə verilməlidir. Göz məlhəmi ən axırda istifadə edilməlidir.

Əlavə təsirləri
Əlavə təsirlərin tezliyi aşağıdakı parametrlərlə təyin edilir: çox tez-tez (≥1/10); tez-tez (≥1/100 -<1/10); bəzən (≥1/1000 – <1/100); nadir hallarda (≥1/10000 – <1/1000); çox nadir hallarda (<1/10000); məlum deyil (əldə olan məlumatlar görə tezliyi qiymətləndirmək mümkün deyil). Lokal: Steroid/anti-bakterial kombinasiyadan ibarət dərman preparatlarının istifadəsi zamanı preparatın steroid və ya antimikrob komponentlərə uyğun olaraq əlavə təsir reaksiyaları yaranmışdır.

Tobramisinin əlavə təsirlərinə, göz qapaqlarının qaşınması və şişkinliyi, konyunktival eritema, bulanıq görmə, göz ətrafında ağrı, göz ətrafında hiperemiya, damızdırılma zamanı gözdə yanma və sancı hissi ilə xarakterizə edilən diskomfort da daxil olmaqla yüksək həssaslıq və lokal okulyar toksiklik reaksiyaları aiddir. Preparatın steroid (deksametazon) tərkibinə görə müşahidə edilən əlavə reaksiyalar aşağıdakılardır (yaranma tezliyinin azalması sırası ilə): qlaukomanın, arxa subkapsulyar kataraktın yaranması ilə nəticələnən gözdaxıli təzyiqin artması; yaraların sağalmasının gecikməsi. Steroid və antibakterial maddələrdən ibarət kombinə olunmuş preparatın istifadəsindən sonra ikincili infeksiyalar inkişaf edə bilər. Steroid tərkibli preparatların uzun müddətli istifadəsi zamanı gözün buynuz qişası xüsusilə göbələk infeksiyalarının yaranmasına daha meyilli olur. Sistem əlavə təsir reaksiyaları: Tobramisinin, xüsusilə yüksək doza qəbul edən pasiyentlərdə və ya uzunmüddətli terapiya zamanı sistem tətbiqi vestibulyar və eşitmə siniri şaxələrində əlavə təsirlərin yaranmasına səbəb ola bilər; o həmçinin böyrək funksiyalarında da dəyişikliklərin yaranmasına gətirib çıxara bilər. Lakin okulyar istifadə üçün tövsiyə olunan doza sistem olaraq istifadə edilən dozaya nisbətən daha az olduğundan, TRIMIPAN ilə müalicə zamanı sistem effektlərin yaranması ehtimalı aşağı olur. Bəzən gözdə qaşıntı, sulanma, göz qapaqlarında qızartı, şişkinlik, baş ağrısı, burun axması, larinqospazm, boğazın şişməsi müşahidə oluna bilər. Nadir hallarda keratit, bulanıq görmə, göz quruluğu ola bilər. Məlum deyil: göz bəbəklərinin böyüməsi, göz yaşının artması, ürəkbulanma, qarında ağrı, səpgi, üzdə şişkinlik, allergiya  ola bilər.

Doza həddinin aşılmasıPreparatın xüsusiyyətlərinə görə məhsulun doza həddinin aşılması və ya flakonun daxilə təsadüfən qəbul edilməsi halında heç bir toksiki təsir gözlənilmir.
Tobramisin və Deksametazon göz damcısının dozadan artıq istifadə etdikdə gözdən ilıq su ilə yumaq olar.

Buraxılış forması
5 ml məhlul qapaqlı polietilen damızdırıcı ucluğu olan flakonda. 1 flakon içlik vərəqə ilə birlikdə karton qutuya qablaşdırılır.

Saxlanma şəraiti
25°C -dən aşağı temperaturda, işıqdan qorunan  və  uşaqların əli çatmayan yerdə saxlamaq lazımdır.

Yararlılıq müddəti
Yararlılıq müddəti qablaşdırmanın üzərində göstərilmişdir.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı/ Qeydiyyat vəsiqəsinin sahibi
Opes Healthcare Pvt. Ltd., India.
11 Trimul Estate, Khatraj, Tal-Kalol, Gandhinagar dist, Gujarat, India.
C-002, Elanza Crest, Nr. Sigma House, Sindhu Bhavan Road, Bodakdev, Thaltej Gam, Ahmedabad-380059, Gujarat, India. 

Məhsulun və əmtəə nişanının sahibi
Novator Pharma LLP, United Kingdom.
Office 307, Regico Offices the Old Bank 153 the Parade high street Watford, United Kingdom.