Clocsacin infuziya
Köməkçi maddələr: natrium xlorid, natrium hidroksid, xlorid turşusu, inyeksiya üçün su.
FARMAKOLOJİ QRUPU: Flyorxinolon qrupundan olan geniş təsir spektrinə malik antibakterial dərman vasitəsi.
FARMAKOLOJİ XÜSUSIYYƏTLƏRİ: Clocsacin bakteriya hüceyrələrində II-ci tip topoizomeraza ferment qrupuna aid olan DNT -girazanı blokada edərək DNT-nin əmələgəlmə prosesini pozmaqla və bakteriya hüceyrəsinin divarını dağıtmaqla güclü bakteriosid təsir göstərir.
Clocsacin bu mikroorqanizmlərə qarşı: Enterococcus faecalis, Staphylococcus aureus, Staphylococcus epidermidis, Streptococcus pneumoniae, Streptococcus pyogenes və Streptococcus agalactiae, Enterobacter sakazakii, Escherichia coli, Haemophilus influеnzае, Haemophilus parainfluenzae, Klebsiella pneumoniae, Klebsiella oxytoca, Legionella pneumoniae, Moraxella catarrhalis, Proteus mirabilis, Pseudomonas aeruginosa, Pseudomonas fluorescens, Chlamydia pneumoniae, Mycoplasma pneumoniae, Acinetobacter anitratus, Acinetobacter baumannii, Acinetobacter calcoaceticus, Bordetella pertussis, Citrobacter diversus, Citrobacter freundii, Morganella morganii, Proteus vulgaris, Providencia rettgeri, Providcncia stuartii, Serratia marcescens, Clostridium perfringens yüksək həssaslığa malikdir.
Farmakokinetika: Clocsacin polimorfonuklear leykositlər və makrofaqlarla daşınma imkanlarına malik olduğundan, orqan və toxumalara yüksək penetrasiya etdiyindən, iltihablaşmış toxumada sağlam toxumaya nisbətən daha yüksək konsentrasiya toplayır. 500 mq infuziya venadaxili yeridildikdə 60 dəq. ərzində qan plazmasında Cmax– 6.2 mkq/ml konsentrasiya toplayır. Plazma zülalları ilə birləşməsi 30-40% dir. Birdəfəlik və təkrari yeridilmə zamanı toxumalarda toplanması 89-112 l, T1/2 – 6.4 saat təşkil edir. Orqanizmdən əsasən böyrəklərlə -90 %, nəcislə -5 %, tər və tənəffüslə isə 4-5 % xaric edilir.
GÖSTƏRİŞLƏRİ: Preparat orqanizmdə infeksiya törədən bakteriyalara bakrerisid (öldürücü) təsir göstərdiyindən ağ ciyərlərin, böyrəklər və sidik çıxarıcı yolların, prostat vəzin və yumşaq toxumaların (əzələ, dəri və dərialtı toxuma) xroniki infeksiyalarının müalicəsi üçün istifadə olunur.
QƏBUL QAYDASI VƏ DOZALANMASI:
- Müalicə üçün lazım olan infuziya sayı həkim tərəfindən müəyyən edilir.
- Doza infeksiyanın tipindən və lokalizasiyasından asılı olaraq təyin olunur.
- Müalicə müddəti infeksiyanın ağırlıq dərəcəsindən asılı olaraq təyin edilir.
Levofloksasin stasionar şəraitdə təyin olunan dərman preparatıdır. Preparat həkim va ya tibb bacısı tərəfindən müəyyən, bəlli bir zaman ərzində damcı üsulu ilə venadaxili təyin olunur. 500 mq -lıq levofloksasin məhlulu 60 dəqiqə və ya bir qədər artıq müddətdə venaya yeridilir. Müalicə müddəti 14 günü keçməməlidir.
Pnevmoniya zamanı: 500 mq gündə 2 dəfə
Sidik çıxarıcı yolların, sidik kisəsinin və böyrəklərin infeksion xəstəlikləri zamanı: 250 mq gündə 1 dəfə (ağır infeksiyalar zamanı doza yüksəldilə bilər).
Prostat vəzin infeksion xəstəlikləri zamanı: 500 mq gündə 1 dəfə
Dəri və dərialtı toxuma infeksiyaları zamanı: 500 mq gündə 2 dəfə
Böyrək problemləri zamanı doza azaldıla bilər.
Preparatın yeridilmə müddətində ürək ritminə və qan təzyiqinə nəzarət olunmalıdır. Çünki, ürək ritminin pozulması və qan təzyiqinin müvəqqəti olaraq düşməsi antibiotiklərin venadaxili yeridilməsi zamanı yarana biləcək əlavə təsirlərdir. Əgər levofloksasinin təyini müddətində qan təzyiqi əhəmiyyətli dərəcədə düşmüşsə, preparatın qəbulunu təcili olaraq dayandırmaq lazımdır.
ƏLAVƏ TƏSİRLƏRİ: Ürəkbulanma, ishal, anoreksiya, abdominal ağrı, disbakterioz, qan təzyiqinin azalması, taxikardiya, baş ağrısı, başgicəllənmə, zəiflik, yuxululuq, yuxusuzluq, artralqiya, mialqiya, vətər cırılması, hiperkreatininemiya, fotosensibilizasiya, qaşınma, bronxospazm.
ƏKS GÖSTƏRİŞLƏRİ: Hiperhəssaslıq, epilepsiya, xinolonlarla aparılmış müalicədən sonra vətər zədələnməsi, laktasiya, hamiləlik. 18 yaşa qədər uşaqlar və yeniyetməlik dövründə.
BURAXILIŞ FORMASI: 100 ml (500 mq) məhlul, şüşə flakonlarda. 1 flakon içlik vərəqə ilə birlikdə karton qutuya qablaşdırılır.
İSTİFADƏ MÜDDƏTİ: Qutunun və blisterlərin üzərində göstərilir. İstifadə müddəti bitdikdən sonra qəbulu qəti qadağandır. İnfuziya zamanı və birincili xarici qablaşdırma açıldıqdan sonrakı 3 gün ərzində işıqdan müdafiə tələb olunmur. Preparatın rezin tıxacı istifadə məqsədi ilə şpris vasitəsi ilə deşildikdən sonra bakterial yoluxmanın qarşısını almaq üçün 3 saat ərzində istifadə olunmalıdır.
SAXLANMA QAYDASI: Quru və uşaqların əli çatmayan yerdə 25ºC-dən yuxarı olmayan temperaturda saxlanılmalıdır.
MƏHSULUN VƏ ƏMTƏƏ NİŞANININ SAHİBİ: “Novator Pharma” LLP, Böyük Britaniya.
İSTEHSAL EDİLİR: VEM İlaç San. ve Tic. A.Ş.