Diutomid

Diutomid

Tərkibi

Təsiredici maddə: 1 tabletin tərkibində 10 mq torasemid vardır.

Köməkçi maddələr: laktoza monohidrat, qarğıdalı nişastası, susuz kolloidal silisium4-oksid, maqnezium-stearat.

Təsviri

Ağ rəngli, yumru, yastı, kənarları kəsik və bir üzündə bölmə üçün xətti olan tabletlər.

Farmakoloji xüsusiyyətləri

Diutamid preparatının təsiredici maddəsi torasemiddir və o, ilgək diuretikləri adlananqrupa aiddir.Torasemid sidikqovucu təsir göstərir, həmçinin arterial təzyiqi aşağı salır.

İstifadəsinə göstərişlər

Diutamid böyüklərdə aşağıdakı residivlərin müalicə və profilaktikası üçün istifadəolunur:

• toxumalarda mayenin ləngiməsi (ödem) və/və ya
• ürək funksiyasının pozulması (ürək əzələsinin zəifliyi) ilə əlaqədar olaraq, bədən boşluqlarında mayenin ləngiməsi (ekssudatlar)

Əks göstərişlər

• Preparatın təsiredici maddəsinə – torasemidə qarşı allergiya
• Quruluşuna görə torasemidə oxşayan preparatlara (sulfonilsidik cövhəri) qarşı allergiya
• Diutamidpreparatının digər istənilən komponentinə qarşı allergiya (bax: “Tərkibi” bölməsi)
• Sidik ifrazının dayanması (anuriya) ilə gedən böyrək çatışmazlığı
• Qaraciyər funksiyalarının huşun pozulması ilə gedən ağır pozğunluqları (qaraciyər koması və ya komaönü).
• Aşağı arterial təzyiq (hipotenziya).
• Qanın həcminin azalması (hipovolemiya).
• Natrium və ya kalium çatışmazlığı (hiponatriemiya, hipokaliemiya).
• Sidiyin xaric olmasına mane olan əhəmiyyətli amillərin olması (məsələn, prostat vəzinin həddən artıq böyüməsi).
• Laktasiya dövrü.Xəbərdarlıqlar və ehtiyat tədbirləriDiutamidpreparatını qəbul etməzdən əvvəl müalicə həkiminizlə məsləhətləşin.Bəzi vəziyyətlər zamanı Diutamid preparatından istifadə təcrübəsi kifayət dərəcədə azdır. Buna görə də aşağıdakı hallarda Diutamid qəbul etmək tövsiyə olunmur:
• Podaqra
• Ürək ritminin ağır pozğunluğu, xüsusilə də onun yavaşıması (ürək əzələsində oyanmanın formalaşmasının və keçirilməsinin pozulması, məsələn, sinoatrial blokada, 2 –ci və ya 3-cü dərəcəli AV-blokada).
• Orqanizmdə turşu-əsas tarazlığının patoloji dəyişiklikləri.
• Eyni vaxtda litium preparatları ilə müalicənin aparılması (əhval-ruhiyyənin pozulması və depressiyanın bəzi növləri zamanı istifadə olunur).
• İnfeksion xəstəliklər zamanı eyni vaxtda bəzi antibiotiklərlə (amiunoqlikozidlər, sefalosporinlər) müalicənin aparılması.
• Qanın tərkibinin patoloji dəyişilməsi (məs., böyrək funksiyaları normal olan xəstələrdə qanın laxtalanmasını təmin edən trombositlərin və ya eritrositlərin sayının azalması).
• Böyrəklər üçün toksik olan maddələrlə təmas nəticəsində böyrək funksiyalarının pozulması.

Uşaqlar və 18 yaşa qədər yeniyetmələr

Diutamid preparatının uşaqlarda və 18 yaşa qədər yeniyetmələrdə istifadə təcrübəsi yoxdur, buna görə də bu yaş qrupunda preparatdan istifadə etmək olmaz.

Dopinq testinin nəticələrinə təsiri və dopinq kimi lazımi dərəcədə istifadə olunması

Diutamid dopinq testinin müsbət nəticələnməsinə səbəb ola bilər.Diutamid preparatının dopinq kimi lazımi qaydada istifadə edilməməsinin nəticəsini qabaqcadan söyləmək mümkün deyil; bu halda preparatdan istifadə sağlamlıq üçün təhlükəli ola bilər.

Digər preparatlarla qarşılıqlı təsiri

Əgər Siz hazırda hər-hansı digər dərman vasitələri qəbul/istifadə edirsinizsə, yaxın keçmişdə qəbul/istifadə etmisinizsə və ya qəbul/istifadə edə bilərsinizsə, bu barədə həkimə və ya əczaçıya məlumat verin.

• Diutamid aşağıdakı preparatların təsirini dəyişə bilər
• Arterial təzyiqi aşağı salmaq üçün preparatlar, xüsusilə də AÇF inhibitorları.AÇF inhibitorlarını Diutamid preparatı ilə birlikdə qəbul etdikdə arterial təzyiqin düşməsi həddən artıq dərəcədə ola bilər.Əgər Siz keçmişdə və ya hazırda AÇF inhibitoru qəbul etmədiyinizə əmin deyilsinizsə, həkiminizə və ya əczaçıya müraciət edin.
• Teofillin (bronxial astmanın müalicəsi üçün preparat): Diutamid bu dərman vasitəsinin təsirini gücləndirə bilər.
• Kurareyəbənzər preparatlar: əzələlərə boşaldıcı təsirinin güclənməsi
• Diabetəleyhinə preparatlar (şəkərli diabetin müalicəsi üçün istifadə olunur): Diutamid bu dərman vasitələrinin təsirini zəiflədə bilər.
• Ağrıkəsici vasitələr və revmatizmin müalicəsi üçün preparatlar: ağrıkəsici vasitələrin yüksək dozaları ilə və salisilatlar qrupuna aid revmatizmin müalicəsi üçün preparatlar ilə birgə istifadə zamanı onların mərkəzi sinir sisteminə təsirinin güclənməsi mümkündür.
• Qan dövranının pozulmasının, o cümlədən şokun müalicəsi üçün preparatlar (məsələn, epinefrin və norepinefrin): Diutamid qəbulu zamanı bu dərman vasitələrinin təsiri zəifləyə bilər.
• Aşağıdakı preparatlar Diutamid-un təsirini dəyişə bilər
• Probenesid (podaqranın müalicəsi üçün preparat) Diutamid-un sidikqovucu və hipotenziv təsirlərini zəiflədə bilər.
• Bəzi iltihabəleyhinə preparatlar (məs., indometasin, asetilsalisil turşusu): bu dərman vasitələri Diutamid-un sidikqovucu və hipotenziv təsirlərini zəiflədə bilər.
• Xolestiramin (qanda yağların yüksəlmiş konsentrasiyalarını azaltmaq üçün istifadə olunur): eyni vaxtda qəbulu zamanı Diutamid-un mədə-bağırsaq traktından sorulmasına təsir göstərə bilər. Bu isə Diutamid-un effektivliyi-nin azalmasına gətirib çıxara bilər.
• Diutamid xüsusən yüksək dozaların qəbulu zamanı aşağıdakı əlavə təsirlərin dərinləşməsinə təkan verə bilər
• Aminoqlikozidlər qrupundan olan antibiotiklərin (məsələn, kanamisin, gentamisin, tobramisin) eşitmə orqanına və böyrəklərə zədələyici təsirini.
• Sisplatin tərkibli preparatların istifadəsi zamanı (bədxassəli yenitörəmələrin müalicəsi üçün təsiredici maddə) eşitmənin və böyrəklərin funksiyasının pozulmasını.
• İnfeksion xəstəliklərin müalicəsi üçün sefalosporinlər adlanan (antibiotiklər qrupundan olan təsiredici maddələr) antibiotiklərin istifadəsi zamanı böyrəklərin zədələnməsi.
• Diutamid-un digər preparatlarla birlikdə istifadəsi zamanı aşağıdakı növ qarşılıqlı təsirlər ola bilər
• Diutamid-un istifadəsi zamanı yaranan kalium çatışmazlığı birgə istifadə zamanı ürək qlikozidlərinin (ürək əzələlərinin zəifliyi zamanı istifadə olunan preparatlar) əlavə təsirlərinin ağırlaşmasına gətirib çıxara və ya artıra bilər.
• İşlədici vasitələrlə birgə istifadə zamanı kalium çatışmazlığının dərinləşmə-si.
• Böyrəküstü vəzi hormonları ilə (mineralokortikoidlər və qlükokortikoidlər, məsələn kortizon ilə) birgə istifadə zamanı kalium çatışmazlığının dərinləş-məsi
• Litium preparatlarının (əhvalın pozulmaları zamanı və depressiyanın bəzi növləri zamanı istifadə olunur) ürəyə və böyrəklərə toksik təsirinin dərinləşməsi. Diutamid və litium preparatlarının eyni zamanda qəbulu zamanı qanda litiumun konsentrasiyası yüksələ bilər.

Hamiləlik və laktasiya dövründə istifadəsi

Hamiləlik və laktasiya dövründə, həmçinin ehtimal edilən və ya planlaşdırılan hamiləlik zamanı, bu preparatı qəbul etməzdən əvvəl məsləhət üçün həkimə və ya əczaçıya müraciət edin.Hamiləlik zamanı Diutamid preparatından istifadə yalnız müalicə həkiminin icazəsi ilə mümkündür. Hamilə qadına prepat minimal dozada təyin edilir. Diutamid preparatının dölə təsiri sona kimi müəyyən edilməmişdir.Hazırda Diutamid preparatının ana südü ilə xaric olub-olmaması məlum deyil. Buna görə də laktasiya dövründə bu preparatdan istifadə tövsiyə olunmur. Laktasiya zamanı Diutamid preparatı ilə müalicənin aparılması vacib olduqda uşaq əmizdirmədən imtina etmək lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliy-yətinə təsiri

Diutamid reaksiya sürətini dəyişə bilər. Diutamid preparatının qəbulu yol hərəkətində iştirak, mexanizmlərlə işləmə və ya davamsız tarazlıq şəraitlərində iş qabiliyyətinə təsir göstərə bilər.Bu aşağıdakı hallarda daha tez-tez müşahidə edilir

• müalicənin əvvəlində;
• preparatın dozasının artırılması zamanı;
• digər müalicədən bu preparata keçid zamanı;
• əlavə preparatların təyin edilməsi zamanı.Alkoqol bu effektləri gücləndirə bilər. Buna görə də Diutamid preparatının qəbulu zamanı alkoqol qəbul etmək tövsiyə olunmur..

Diutamid-un tərkibində laktoza vardır

Əgər Sizdə hər-hansı şəkər növünə qarşı dözümsüzlük müəyyən edilibsə, bu preparatın istifadəsindən əvvəl müalicə həkiminizlə məsləhətləşin.

İstifadə qaydası və dozası

Tabletləri bütöv halda, müəyyən miqdar su ilə udurlar. Preparatı səhərlər qida qəbulundan asılı olmadan qəbul edirlər.Hər zaman bu preparatı müalicə həkiminin və ya aptek işçisinin tövsiyələrinə müvafiq dəqiqliklə qəbul edin. Əgər Sizdə şübhələr olarsa, müalicə həkimi və ya aptek işçisi ilə məsləhətləşin. Preparatın istifadəsi üzrə təlimata riayət edin, əks halda Diutamid-un təsiri göstəriləndən fərqli ola bilər.

Dozalanma

Həkimin əlavə göstərişləri olmadıqda müalicəni gündə bir dəfə yarım tablet Diutamid ilə başlayırlar (5mq torasemid). Adətən bu doza da müalicənin sonuna qədəristifadə olunur.Preparatın effekti kifayət qədər olmadıqda həkim onun dozasını gündə bir dəfə bir tabletə qədər artıra bilər (10mq torasemid). Bu zaman həkim Sizin xəstəliyin ağırlığını nəzərə alır. Lazım olduqda preparatın dozası gündə iki tabletə qədər artırıla bilər (20mq torasemid).5mq torasemid tərkibli dərman forması (Diutamid) bunun üçün əlverişlidir.

• Tabletlərin bölünməsi üzrə tövsiyyələr

Tabletin bir üzündə olan bölmə xətti onu asanlıqla yarıya bölməyə imkan verir. Bu hər bir xəstə üçün optimal dozanın seçilməsinə imkan yaradır.Tableti hər iki əlin şəhadət və baş barmaqlarının arasında bölmə xətti yuxarı olmaqla tutun və baş barmaqla bölmə boyu aşağı basmaqla, tableti iki hissəyə bölün.

• Qaraciyər funksiyası pozulmuş xəstələr

Qaraciyər funksiyası pozulmuş xəstələrdə istifadə zamanı ehtiyatlı olmaq lazımdır. Qanda torasemidin konsentrasiyası yüksələ bilər.

• Yaşlı xəstələr

Yaşlı xəstələrdə preparatın dozalanması üzrə xüsusi göstərişlər yoxdur.

Qəbul müddəti

Diutamid ilə müalicənin müddəti müalicə həkimi tərəfindən müəyyən olunur.Əgər Siz hesab edirsiniz ki, Diutamid preparatının təsiri həddən artıq güclü və ya çox zəifdir, müalicə həkiminə müraciət edin.

Doza həddinin aşılması

Diutamid-un doza həddinin aşılması zamanı aşağıdakı pozğunluqlar mümkündür:

• orqanizmdən mayelərin və duzların həddən artıq, hətta həyat üçün təhlükəli ola biləcək dərəcədə xaric olması
• huşun pozulması
• huşun qarışması
• arterial təzyiqin enməsi
• kəskin damar çatışmazlığı
• həzm sistemində pozulmalar

Bu halda təcili olaraq müalicə həkiminə müraciət etmək lazımdır. O, bütün lazımi tədbirləri görəcəkdir.

Əgər Siz Diutamid-un qəbulunu unutmusunuzsa

Preparatı kifayət qədər olmayan dozada qəbul etdikdə onun effekti azalır. Bu, həmçinin preparatın növbəti qəbulunu buraxdığınız zaman da baş verir. Bu halda aşağıdakı pozğunluqlar yarana bilər:

• Bədən kütləsinin artması
• Orqanizmdə mayenin ləngiməsinin (ödemlərin) artması.Preparatın buraxılan dozasını yaxın zamanda bərpa etmək lazımdır. Lakin əgər preparatın növbəti qəbul vaxtı yaxınlaşıbsa, buraxılan dozanı bərpa etmək olmaz. Buraxılan dozanın kompensasiyası üçün ikiqat doza qəbul etməyin.

Əgər Siz Diutamid preparatın qəbulunu dayandırmısınızsa

Müalicənin kəsilməsi və ya vaxtından əvvəl dayandırılması artıq mövcud olan şikayətlərin güclənməsi ilə müşayiət oluna bilər. Bu səbəbdən yalnız müalicə həkimi ilə məsləhətləşdikdən sonra Diutamid-un qəbulunu kəsmək və ya vaxtından əvvəl bitirmək olar.Əgər Sizdə bu preparatın qəbulu üzrə əlavə suallar yaranarsa, həkimə və ya əczaçıya müraciət edin.

Mümkün əlavə təsirlər

Bütün dərman vasitələri kimi, bu preparat da əlavə təsirlər yarada bilər, halbuki onlar hamıda baş vermir.Tez-tez (10 xəstədən 1-də müşahidə oluna bilər):

• Orqanizmin turşu-qələvi tarazlığının tənzimlənməsinin pozulması (metabolik alkaloz adlanır)
• Əzələ spazmları (xüsusən terapiyanın başlanğıcında)
• Qanda sidik turşusunun, qlükozanın və lipidlərin (triqliseridlər və xolesterinin) konsentrasiyasının yüksəlməsi
• Kalium ilə zəif pəhriz, qusma, diareya, həddən artıq işlədici qəbulu, qaraciyər funksiyasının xroniki pozulması fonunda kalium çatışmazlığı (hipokaliemiya)
• Dozadan və müalicənin davametmə müddətindən asılı olaraq, mayenin itirilməsi (hipovolemiya), kalium və/və ya natrium çatışmazlığı kimi (hipokaliemiya və hiponatriemiya) su-elektrolit balansının pozulması yarana bilər
• Həzm sistemi tərəfindən pozulmalar, məsələn iştahanın olmaması, mədədə ağrı, ürəkbulanma və qusma, diareya, qəbizlik daha tez-tez müalicənin başlanğıcında müşahidə olunur
• Qanda müəyyən qaraciyər fermentlərinin (qamma-qlütamiltransferaza) konsentrasiyalarının yüksəlməsi
• Başağrısı, başhərlənmə, yorğunluq, zəiflik (xüsusən müalicənin başlanğıcında) yarana bilər.Nadir (100 xəstədən 1-də müşahidə oluna bilər):
• Qanda sidik cövhəri və kreatininin (əzələ zülalı) konsentrasiyalarının yüksəlməsi.
• Artıq mövcud olan sidikburaxmanın çətinləşməsi zamanı (məs., prostat vəzin böyüməsi zamanı) sidiyin ləngiməsi mümkündür. Bu halda sidiyin xaric olması əhəmiyyətli dərəcədə pisləşir və ya tamamilə kəsilir.
• Ağızda quruluq
• Ətrafların keyləşməsi və ya soyuması (paresteziyalar)Çox nadir (10000 xəstədən 1-də müşahidə oluna bilər):
• Eritrositlərin və leykositlərin (qırmızı və ağ qan hüceyrələrinin) və trombositlərin (qanın laxtalanmasına cavabdeh olan hüceyrələrin) sayının azalması.
• Qaşınma, dəri səpgisi (ekzantema), işığa qarşı həssaslıq (fotosensibilizasiya), ağır dəri reaksiyaları şəklində allergik reaksiyalar. Preparatın venadaxili yeridilməsi zamanı həyat üçün potensial təhlükəli kəskin hiperhəssalıq reaksiyaların inkişaf etməsi riski mövcuddur.
• Qan damararında qan laxtalarının yaranması (tromboembolik ağırlaşmalar)
• Huşun dolaşması
• Arterial təzyiqin enməsi (hipotoniya).
• Ürək ritminin pozulmaları (aritmiyalar), sinədə sıxılma hissi (stenokardiya), ürək tutması, huşun qəflətən itirilməsi (bayılma) ilə müşaiət olunan ürək əzələsində və beyində qan dövranının pozulması
• Mədəaltı vəzin iltihabı (pankreatit)
• Görmənin pozulması
• Qulaqlarda cingilti (tinnitus)
• Eşitmənin itirilməsiYuxarıda təsvir olunan əlavə təsirlər yaranan zaman təcili olaraq müalicə həkiminə müraciət edin. O bunların ağırlığını qiymətləndirib sonrakı tədbirlərin aparılmasına ehtiyacın olması barədə qərar qəbul edəcəkdir.Qəfləti və ya çox vacib əlavə təsirlər yaranan zaman, təcili olaraq müalicə həkiminə müraciət edin. Bu çox vacibdir, belə ki, bəzi əlavə təsirlər həyat üçün təhlükə yarada bilər. Müalicənin davam etdirilməsinin mümkünlüyü barədə həkim qərar verəcək və lazımi tədbirlərin aparımasını təyin edəcək.Hiperhəssalıq reaksiyalarının ilk əlamətləri zamanı (məs., ağır dəri reaksiyaları) Diutamid qəbulunu dayandırın.Hər-hansı əlavə təsirlər yaranan zaman həkimə və ya əczaçıya müraciət edin. Bu, bütün mümkün ola biləcək, o cümlədən, bu içlik-vərəqədə təsvir olunmayan əlavə təsirlərə aiddir.

Buraxılış forması

30, tablet içlik vərəqə ilə birlikdə karton qutuya qablaşdırılır.

Saxlanma şəraiti

Bu dərman vasitəsi xüsusi saxlanma şəraiti tələb etmir.Uşaqların əli çatmayan yerdə saxlanmalıdır.

Yararlılıq müddəti

5 il.Yararlılıq müddəti bitdikdən sonra istifadə etmək olmaz.Yararlılıq müddətinin bitmə tarixi göstərilən ayın sonuncu günü hesab olunur.Heç bir dərman vasitəsini kanalizasiyaya və ya məişət tullantılarına tullamayın. Lazımsız dərman vasitəsinin utilizasiyası barədə aptek işçisi ilə məsləhətləşin. Bu tədbirlər ətraf mühütün qorunmasına səbəb olur.

Aptekdən buraxılma şərti

Resept əsasında buraxılır.

This is a product and a trade mark of “NOVATOR PHARMA” LLP, Great Britain.