Korvenol

Tərkibi: Karvedilol 25 mg

Farmakoloji qrupu:  alfa- və beta- adrenoblokator.

Farmakoloji xüsusiyyətləri: Antianginal, hipotenziv, antioksidant, vazodilatator xüsusiyyətlərə malikdir.  α_1, β₁ və β₂ adrenoreseptorlarını  blokada edir. Vazodilatator effekti əsasən  α₁-adrenoreseptorlarını blokada etməsilə əlaqədardır. Vazodilatator effekti sayəsində ümumi periferik damar müqaviməti aşağı düşür. Membranstabillədirici xüsusiyyətlərə malikdir.  Vazodilatator və beta-adrenoblokator xüsusiyyətləri özünü aşağıdakı  effektlərlə göstərir: arterial hipertenziyalı xəstələrdə arterial təzyiqin düşməsi ümumi periferik damar müqavimətinin artmasına səbəb olmur, periferik qan dövranı aşağı düşmür (beta-adrenoblokatorlardan fərqli olaraq). Ürək döyüntülərinin sayı çox cüzi azalır. Ürəyin işemik xəstəliyi olan şəxslərdə antianginal təsir göstərir. Ürəyin yükünü azaldır. Lipid mübadiləsinə və K⁺, Na⁺, Mg²⁺ ionlarının qan plazmasında səviyyəsinə demək olar ki təsir göstərmir. Sərbəst radikalları zərərsizləşdirərək antioksidant effekt göstərir. Korvenol istənilən mərhələyə və funksional sinfə aid xroniki ürək çatışmazlığı olan xəstələrin ölüm faizini azaldır və həmin xəstələr tərəfindən yaxşı qəbul olunur.

Farmakokinetikası: Daxilə qəbul olunduqdan sonra MBT-dan tez və demək olar ki təmamilə sorulur. Qan zərdabında maksimal qatılığı (C_max) 1 saata toplayır. Bioyararlılıq 25 %-dir. Qan plazması zülalları ilə birləşməsi 98-99%-dir. Yarımatılma dövrü 6-10 saatdır. Əsasən ödlə xaric olunur. Qaraciyərin funksiyasında pozğunluq olan xəstələrdə bioyararlılıq 80 %-ə qədər arta bilər. Plasentar baryeri keçir, südlə xaric olur.

İstifadəsinə göstərişlər:

• Arterial hipertenziya
• Ürəyin işemik xəstəliyi
• Xroniki ürək çatışmazlığı

İstifadə qaydası və dozası:

Daxilə kifayət qədər su ilə qəbul olunur.

Essensial hipertenziya.Tövsiyyə olunan başlanğıc doza ilk 2 gün ərzində gündə 1 dəfə, 12.5 mg sonra isə gündə 1 dəfə 25 mg təşkil edir. Sonra, ehtiyac olduğu halda, doza 2 həftədən az olmayan fasilələrlə artırılaraq, ən yüksək  tövsiyyə olunan dozaya qədər- gündə 1 dəfə (yaxud 2 qəbula bölünmüş) 50mg-a çatdırıla bilər.

Ürəyin işemik xəstəlikləri.Tövsiyyə olunan başlanğıc doza ilk 2 gün ərzində gündə 2 dəfə, 12.5 mg sonra isə gündə 2 dəfə 25 mg təşkil edir. Sonra, ehtiyac olduğu halda, doza 2 həftədən az olmayan fasilələrlə artırılaraq, 2 bərabər qəbula bölünmüş ən yüksək sutkalıq dozaya 100 mg-a qədər çatdırıla bilər.

Xroniki ürək çatışmazlığı. Doza fərdi qaydada seçilir. Tövsiyyə olunan başlanğıc doza 2 həftə müddətində gündə 2 dəfə 3,125 mg təşkil edir. Preparata qarşı dözümlülük yaxşı olduqda doza 2 həftədən az olmayan fasilələrlə gündə 2 dəfə 6,25 mg-a qədər, sonra isə gündə 2 dəfə 25 mg-a qədər artırılır. Doza xəstənin dözə bildiyi maksimal dozaya qədər artırılmalıdır. Ağır xroniki ürək çatışmazlığı olan bütün xəstələr üçün və bədən kütləsi 85 kg-dan az olan yüngül və orta dərəcəli xroniki ürək çatışmazlığı olan şəxslər üçün tövsiyyə olunan maksimal doza gündə 2 dəfə 25 mg təşkil edir. Yüngül və orta dərəcəli xroniki ürək çatışmazlığı olan və bədən kütləsi 85 kg-dan artıq olan xəstələrdə tövsiyyə olunan maksimal doza gündə 2 dəfə 50 mg təşkil edir.

Əks göstərişləri:  Korvenol preparatının istənilən komponentinə qarşı yüksək həssaslıq, venadaxili inotrop dərman vasitələrinin yeridilməsini tələb edən dekompensəolunmuş xroniki ürək çatışmazlığı, qaraciyərin funksiyalarının klinik əhəmiyyətli pozulması, 18 yaşa qədər yaş həddi (Korvenol preparatının effektivliyi və təhlükəsizliyi müəyyən edilməmişdir), hamiləlik, II və III dərəcəli atrioventrikulyar blokada, ciddi bradikardiya (1 dəqiqədə 50 vurğudan az), sinus düyününün zəifliyi sidromu, ciddi arterial hipotenziya (sistolik AT 85 mm c.süt.-dan aşağı), kardiogen şok, anamnezdə broxospazm və bronxial astma.

Əlavə təsirləri:

Ürək qan-damar sistemi tərəfindən: müalicənin əvvəlində və dozanın artırılması zamanı epizodik olaraq AT-in düşməsi müşahidə oluna bilər; həmçinin bradikardiya, periferik qan dövranının pozulması, stenokardiya tutmaları, AV-blokada, ayrı-ayrı hallarda ürək çatışmazlığının çoxalmasına səbəb ola bilər.

MSS və periferik sinir sistemi tərəfindən: zəiflik, yorğunluq, baş ağrısı, ayrı-ayrı hallarda yuxu pozğunluğu, psixi depressiya, paresteziya ola bilər.

Həzm traktı tərəfindən: bağırsağın tonusunun və motorikasının artması; ayrı-ayrı hallarda qan plazmasında transaminazaların aktivliyinin dəyişilməsi baş verə bilər.

Allergik reaksiyalar: nadir hallarda allergik ekzantema, qaşınma ola bilər.

Dermatoloji reaksiyalar: qaşınma, psoriatik zədələr, əvvəl mövcud olan psoriazın kəskinləşməsi baş verə bilər.

Tənəffüs orqanları tərəfindən: bronxospazm, təngnəfəslik; ayrı-ayrı hallarda isə burun tıxanıqlığı ola bilər.

Qanyaradıcı sistem tərəfindən: ayrı-ayrı hallarda trombositopeniya, leykopeniya ola bilər.

Buraxılış forması: 28 tabletdən ibarət 1 blister içlik vərəqə ilə birlikdə karton qutuda yerləşdirilib.

Saxlanma qaydası: 25^oC-dən yuxarı olmayan temperaturda, qaranlıqda və uşaqların əli çatmayan yerdə saxlanmalıdır. Günəş  şüalarının təsiri altında tabletlərin rənginin dəyişməsi mümkün olduğundan, onların bağlı qablaşdırmada saxlamaq məsləhət görülür.

Apteklərdən buraxılış şərti: Resept əsasında buraxılır

Məhsulun və əmtəə nişanın sahibi:  “NOVATOR PHARMA”    Böyük  Britaniya.

İstehsal edilir: AraFarma, İspaniya. “NOVATOR PHARMA” UK xüsusi sifarişi ilə.