Novanefron
HƏR TABLETİN TƏRKİBİ:
Quşüzümü 80 mq Zəncirotu 40 mq
Ayıqulağı 80 mq Qatırquyruğu 40 mq
Qarğıdalı saçağı 80 mq Qaragilə 40 mq
Ortosifon stamina 80 mq Maqnezium sitrat 30 mq
FARMAKOTERAPEVTİK QRUPU: Uroseptik, diuretik, litolitik.
FARMAKOLOJİ XÜSUSİYYƏTLƏRİ:
Quşüzümü (Cranberry) – ekstraktı üzvi turşular, pektin, flavonoidlər, antosianinlər, vitamin C, kalium və dəmirlə zəngindir. Quşüzümü stafilokoklar, streptokoklar, eşerixiya koli, və proteylərə qarşı güclü antimikrob təsirlərə malikdir. Quşüzümünün antifunqal təsiri müşahidə olunur. Bundan əlavə quşüzümü pielonefrit və ginekoloji iltihabi xəstəliklərin müalicəsində antibakterial preparatların təsirini gücləndirmə xüsusiyyətinə malikdir. Quşüzümü bakteriyaların sidik-cinsiyyət sisteminin selikli qişasına yapışmasının qarşısını alaraq onların selikli qişaya nüfuz edib yaşaması və koloniyalar yaratmasını mümkünsüz edir.
Ayıqulağı ( Uva ursi L.) – yarpağının tərkibi flavonoidlər, üzvü turşular (alma, qarışqa) və qlikozidlərlə (arbutin, metilarbutin) zəngindir. Ayıqulağı iltihab əleyhinə, antimikrob və sidikqovucu təsirlərə malikdir. Tərkibindəki arbutin və metilarbutin qlikozidlərinin arbutaza fermentinin təsiri ilə parçalanmasından əmələ gələn hidroxinon güclü antimikrob və antibakterial təsirin yaranmasına səbəb olur və hidroxinon böyrəklərdən süzülərkən yerli qıcıqlandırıcı təsir göstərərək böyrəklərin filtrasiyasını sürətləndirir və sidikqovucu effekt verir.
Qarğıdalı saçağının (Zea mays L.) – tərkibində acı qlikozid maddələr, saponin, efir yağları vardır. Bunların sayəsində Qarğıdalı saçağı sidikqovucu, ödqovucu, iltihab əleyhinə və qan saxlayıcı xüsusiyyətlərə malikdir. Həmçinin, Qarğıdalı saçağı öd ifrazını sürətləndirərək, onun yapışqanlığını və sıxlığını azaldır, qanda protrombinin miqdarını artırır.
Ortosifon stamina (Orthosiphon) – kaliumla zəngin bitkidir. Yarpaqlarının tərkibində olan ortosifonin, alkaloidlər, efir yağları, saponinlər orqanizmdə alfa -amirin, beta -sitosterin və taninin miqdarını sürətlə artıraraq iltihab əleyhinə, sidikqovucu, ödqovucu, böyrək və öd daşlarına dağıdıcı təsir göstərir. Ortosifon ödem, albuminuriya, azotemiya və böyrək daşları ilə müşayiət olunan sidik-cinsiyyət sisteminin kəskin və xroniki iltihabi proseslərində yüksək kliniki effektivlik göstərərək, adı çəkilən halların sürətli aradan götürülməsini təmin edir. Güclu sidikqovucu təsiri hesabına orqanizmdən sidik turşusu və xloridləri xaric edir. Ortosifonun II və III tip ürək-damar çatışmazlığı zamanı kompleks müalicənin tərkibində təyini tövsiyyə edilir.
Zəncirotu (Taraxacum officinale) – kalium və maqneziumla zəngin bitkidir. Kökü taraksasin, triterpen birləşmələr, flavonoidlər, inulinlə zəngindir, həm də sink, mis, selen toplamaq xüsusiyyətinə malikdir. Zəncirotunun yarpaqları dəmir, kalsium, maqnezium və fosfor birləşmələri ilə başqa yarpaqlı bitkilərdən daha zəngindir. Zəncirotunun yarpaqları və kökü zəngin tərkiblərinə görə güclü iltihab əleyhinə, ödqovucu, sidikqovucu, tərqovucu, bəlğəmgətirici, temperatursalıcı, antiallergik və qurdəleyhinə təsirlərə malikdir.
Qatırquyruğu (Equisetum) – sidikqovucu, hemostatik, litolitik, iltihab əleyhinə xüsusiyyətlərə malikdir. Qatırquyruğu zəngin olduğu 5-qlükozid lüteolin hesabına böyrək və sidikçıxarıcı orqanların xəstəliklərində güclü antibakterial və iltihab əleyhinə təsir göstərir. Qatırquyruğu orqanizmdə su-duz mübadiləsini tənzimləyərək böyrək və sidikçıxarıcı sistemin daş xəstəliklərinin, xüsusilə urat və oksalat daşlarının müalicə effektivliyini artırır.
Qaragilə (Vaccinium myrtillus) – yarpaqları inulin, flavonoidlər və antosianinlərlə zəngindir. Meyvəsi isə karbohidratlar, üzvi turşular, manqan və dəmir birləşmələri, vitaminlərlə (C, B1, B2, P, PP) zəngindir. Qaragilə orqanizmin immunitetini artıran, onun stressə qarşı müqavimətini gücləndirən, iltihab əleyhinə, hemostatik, vazodilatator, ödqovucu və sidikqovucu bir vasitədir.
Maqnezium sitrat – sidikdə duzların həll olunmuş halda qalmasını təmin edərək böyrəklərdə kristalların və böyrək daşlarının əmələ gəlməsinin qarşısını almış olur. Mg sidikdə 40% oksalat turşusu ilə biləşərək oksalat daşlarının əmələ gəlməsinin qarşısını alır.
ƏLAVƏ TƏSİRLƏRİ: Nadır hallarda allergik reaksiyalar, halsızlıq, dispeptik hallar.
ƏKS GÖSTƏRİŞLƏR: Preparatın hər hansı bir komponentinə qarşı hiperhəssaslıq, mədə xorası, yüksək laxtalanma faktoru.
HAMİLƏLİK VƏ LAKTASİYA ZAMANİ İSTİFADƏSİ: Hamiləlik (II və III trimestr) və laktasiya zamanı istifadəsi mümkündür.
DOZALANMA: Gün ərzində iki dəfə: səhər və axşam 1-2 tablet, yeməkdən sonra daxilə bol maye ilə qəbul edilir.
BURAXILIŞ FORMASI: 30 qastro-rezistent tabletlər.
Məhsulun və əmtəə nişanın sahibi: “NOVATOR PHARMA” Böyük Britaniya.