Ksinocard

TƏRKİBİ:
L-karnitin                   500 mq
Koenzim Q10             40 mq
Kversetin                    25 mq

FARMAKOLOJİ QRUPU: Hüceyrə metabolizmini gücləndirən vasitə; Kardioprotektor; neyroprotektor, sitoprotektor.
L-karnitin (levokarnitin, vitamin BT, vitamin B11) – aminturşu olub, B qrupu vitaminlər ailəsinə mənsubdur. Anabolik, antihipoksik və antitireoid təsirə malikdir. Yağların mübadiləsini aktivləşdirir, toxumaların regenerasiyasını stimulə edir, iştahanı artırır. Orqanizmdə l-karnitin qaraciyərdə və böyrəklərdə sintez olunur, digər orqan və toxumalara daşınır. L-karnitin uzunzəncirli yağ turşularını  mitoxondrial matriksə daşıyır, burda onların parçalanmasını və asetil-KoA-nın qlükoneogenez prosesində piruvatkarboksilazanın iştirakını artırır. L-karnitin  keton cisimciklərinin əmələ gəlməsini, xolin və onun efirlərinin sintezini, oksidləşdirici fosforlaşmanı və enerji ayrılmasını, ATF sintezini sürətləndirir. L-karnitin rəqabətə girərək qlükozanı sıxışdırır və yağ turşularının oksigendən asılı olmayan  metabolizminə yol açır, buna görə də beyinin hipoksiyasında və digər kritik vəziyyətlərdə effektivdir. Həzm şirələrinin  sekresiyasını və fermentativ fəallığını artırır, qidanın mənimsənilməsini yaxşılaşdırır, artıq bədən çəkisini azaldır. Fiziki gərginliyə qarşı dözümlülüyü artırır, ağır fiziki işdən sonrakı asidozu aradan qaldırır. Qaraciyərdə və əzələlərdə qlikogen ehtiyyatını artırır və onun daha qənaətlə sərf olunmasını təmin edir. Neyrotrofik təsir göstərir, zədələnmiş sinir toxumasını bərpa edir.
Koenzim Q10 – Q10 iliubixinonun kofermentidir. Orqanizmin bütün hüceyrələrinin mitoxondrilərində olur. İnsan orqanizmində yalnız 10 izopren zəncirli ubixinona rast gəlınir. Enerji mübadiləsini sürətləndirir. Hüceyrələri sərbəst radikallardan qoruyur, immuniteti artırır. Antioksidant, antiaterosklerotik təsirlərə malikdir. Qanın lipid tərkibini və reoloji xüsusiyyətlərini normallaşdırır. Miokardın yığılma qabiliyyətini yaxşılaşdırır, miokardın qanla təchizatını artırır. Antiaritmik, hipotenziv, immunomodulyator,  hepatoprotektor təsir göstərir. Qanda qlükozanın səviyyəsini normallaşdırır.
Dihidrokversetin antioksidant, kapillyaroprotektiv, dezintoksikasion, ödem əleyhinə, regenerasiyanı artıran bioflavonoid olub kapillyarların işini aktivləşdirir, qan-damar divarlarını möhkəmləndirir. Bütün orqanizmdə qanın mikrosirkulyasiyasını yaxşılaşdırır. Miokardın  qan təchizatını yaxşılaşdırır və işemiyaya uğramış sahələri bərpa edir. Dihidrokversetin güclü antioksidant effektə malikdir, hüceyrə membranlarını sərbəst radikalların zədələyici təsirindən qoruyur, hüceyrələrin vaxtından əvvəl qocalması prossesini tormozlayır. 

GÖSTƏRİŞLƏRİ:

• Hipoksik və işemik vəziyyətlərdə miokardın qidalanmasını yaxşılaşdıraraq funksiyasını təmin və bərpa etmək məqsədi ilə;
• Hipoksik və işemik vəziyyətlərdə beyinin qidalanmasını yaxşılaşdıraraq funksiyasını və əqli fəaliyyəti təmin və bərpa etmək məqsədi ilə;
• Intensiv fiziki yüklənmələr zamanı əzələ aktivliyini artırmaq məqsədi ilə;
• Stresə qarşı müqaviməti artırmaq məqsədi ilə;
• Yağların əriməsini gücləndirmək və bədənin artıq çəkisini azaltmaq məqsədi ilə;
• Diabet zamanı maddələr mübadiləsini normallaşdırmaq və yaxşılaşdırmaq məqsədi ilə;
• Uşaqlarda və yeniyetmələrdə bədən çəkisinin defisiti və boy inkişafının ləngiməsi zamanı;
• Böyrək çatışmazlığında birincili və ikincili L-karnitin defisitini aradan qaldırmaq məqsədi ilə;
• Həzm pozğunluqlarında və fermentativ çatışmazlıq zamanı;
• Ağır xəstəliklər və fiziki yüklənmələrdən sonra bərpa dövründə;
• Dölün hipoksiyası zamanı;
• Spermatogenezin pozulması zamanı. 

ƏKS GÖSTƏRİŞLƏRİ: Preparatın tərkibindəki hər hansı komponentə qarşı hiperhəssaslıq.

ƏLAVƏ TƏSİRLƏRİ: Nadir hallarda allergik reaksiyalar, qusma və ürəkbulanma.

DOZA HƏDDİNİN AŞILMASI: Simptomları: yan təsirlərin kəskinləşməsi. Müalicəsi: mədəni yumaq, aktivləşdirilmiş kömür qəbul etmək, simptomatik müalicə aparmaq.

DOZALANMASI: Ksinocard 1 həb gün ərzində 1-2 dəfə daxilə təyin edilir.

BURAXILIŞ FORMASI: Ksinocard  № 30. 10 tabletdən ibarət 3 blister və məlumat vərəqi ilə birlikdə karton qutularda qablaşdırılır.

SAXLANMA QAYDASI: Quru, işıq düşməyən və uşaqların əli çatmayan yerdə 24ºC–dən yuxarı olmayan temperaturda saxlanılmalıdır.

İSTİFADƏ MÜDDƏTİ: Qutunun və blisterlərin üzərində göstərilir. İstifadə müddəti bitdikdən sonra qəbul olunmur.

MƏHSULUN VƏ ƏMTƏƏ NİŞANININ SAHİBİ:  “Novator Pharma” LLP, Böyük Britaniya.

İSTEHSAL EDİLİR: “GRICAR CHEMICAL” İtaliya  “NOVATOR PHARMA” UK xüsusi sifarişi ilə.