Kloritol

Dərman vasitəsinin istifadəsi üzrə təlimat (xəstələr üçün)

KLORITOL vaginal şam
KLORITOL

Beynəlxalq patentləşdirilməmiş adı: Econazolum

Tərkibi
Təsiredici maddə: 1 şamın tərkibində 150 mq ekonazol nitrat vardır.
Köməkçi maddələr: Bərk yağlar və orta uzunluqlu zəncirə malik triqliseridlər.

Təsviri
Ağ və ya ağımtıl homogen, torpedoyabənzər bərk şamdır

Farmakoterapevtik qrupu
Yerli təsirə malik antifungal preparat

ATC kodu: G01AF05

Farmakoloji xüsusiyyətləri
Farmakodinamikası
Ekonazol nitrat geniş təsir spektrinə malik olub, dermatofit, kif və maya göbələklərinə qarşı aktivdir. Həmçinin, qrammüsbət bakteriyalara qarşı da nəzərəçarpaçaq aktivliyə malikdir. Ekonazol nitrat göbələk hüceyrəsinin membranını zədələyir və keçiriciliyini artırır. Ekonazolun əsas hədəfi hüceyrə membranlarının fosfolipid təbəqəsindəki doymamış yağ turşularının asil qruplarıdır.

Farmakokinetikası
Vaginal istifadə zamanı çox az bir hissəsi absorbsiya olunur.

İstifadəsinə göstərişlər

• Kandida cinsindən olan göbələklərin törətdiyi mikozlar, vaginal və vulvovaginal kandidoz

Əks göstərişləri
Ekonazola və preparatın digər komponentlərinə qarşı fərdi hiperhəssaslıq.

Xüsusi göstərişlər və ehtiyat tədbirləri
Aşağıda qeyd olunmuş hallarda həkimlə məsləhətləşin:

• Hər hansı digər vaginal müalicə alırsınızsa
• Baryer kontraseptivlərdən (prezervativlər) istifadə edirsinizsə (ekonazol rezinin çırılmasına səbəb ola bilər)
• Spermisid kontraseptivlərdən istifadə edirsinizsə

Digər dərman vasitələri ilə qarşılıqlı təsiri
Əgər, siz hər hansı digər preparat (hətta bitki tərkibli) qəbul edirsinizsə və ya qəbul etməyə hazırlaşırsınızsa, bu haqda həkiminizə və ya əczaçıya məlumat verin.
Əgər, siz varfarin, asenokumarol kimi qan durulducu (antikoaqulyant) preparatlar qəbul edirsinizsə, bu haqda həkiminizə məlumat verin. 

Hamiləlik və laktasiya dövründə istifadəsi
Hamiləlik və laktasiya dövründə Kloritolun istifadəsi ilə bağlı həkiminizlə məsləhətləşin. Kloritolun hamiləlik zamanı istifadəsi ana üçün faydasının döl üçün potensial riskdən daha üstün olduğu zaman təyin olunur.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Kloritol preparatı nəqliyyat vasitəsini və digər potensial təhlükəli mexanizmləri idarəetmə qabiliyyətinə təsir göstərmir.

İstifadə qaydası və dozası
Kloritolu istifadə etməzdən qabaq əllərinizi yaxşıca yuyun, xüsusən siz hamiləsinizsə. Kloritol uşaqlıq yoluna uzanıqlı vəziyyətdə axşam yatmazdan qabaq dərin olaraq yeridilməlidir.
Vaginal şamları oral qəbul etmək olmaz, əgər oral qəbul etsəniz bu haqda həkimizə məlumat verin. Kəskin göbələk vaginitlərində 150 mq yatmazdan qabaq 3 gün təyin olunur, xroniki hallarda, həmçinin hamiləlik zamanı 50 mq səhər və axşam 7 gün ərzində təyin olunur. Standart 3 günlük terapiya zamanı effekt alınmazsa, 10 gündən sonra müalicə təkrarlana bilər.

Əlavə təsirləri
Bütün dərmanlar kimi, Kloritol vaginal şamlar, hamıda olmasa da, əlavə təsirlər törədə bilər. Kloritol vaginal şamlarının istifadəsi zamanı aşağıda qeyd edilən əlavə təsirlər müşahidə edilmişdir. Onlar baş vermə tezliyinə müvafiq olaraq sadalanır:

Ümumi (100 nəfərdən 1-də):

• Dəridə qaşınmalar
• Dəridə yanğı hissi
• Vulvovaginal nahiyədə səpki və qaşınmalar

Nadir (1000 nəfərdən 1-də):

• Dərinin qızarması

Başvermə tezliyi məlum olmayan hallar:

• Vulvovaginal nahiyədə ağrı, ödem və ya qıcıqlanma
• Dərinin iltihabı (kontakt dermatit)
• Dərinin qabıqlanması

Əgər sizdə allergik reaksiyanın əlamətləri: səpki, udma və ya nəfəsalama çətinliyi varsa, dodaqlarda, üzdə və ya boğazda ödem olarsa, ciddi hipovolemiya zamanı preparatın qəbulunu dayandırın və həkiminizə məlumat verin. Qeyd olunmuş və ya bu içlikdə qeyd olunmayan hər hansı bir əlavə təsirlərlə rastlaşsanız bu haqda həkiminizə və ya əczaçıya məlumat verin.

Doza həddinin aşılması
Doza həddinin aşılması haqda məlumatlar yoxdur.

Buraxılış forması
10 vaginal şam. 2 blister içlik vərəqi ilə birlikdə karton qutularda qablaşdırılır. 

Saxlanma şəraiti
25ºС  temperaturdan  yüksək  olmayan, işıqdan  qorumaqla  və uşaqların əli çatmayan yerdə saxlamaq lazımdır.

Yararlılıq müddəti
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
Fulton medicinali S.p.A. Via Marconi 28/9 20020 – Arese (Milan) – Italy

Məhsulun və əmtəə nişanının sahibi:
Novator Pharma LLP Office 21, 8 Shepherd Market, London, W1J 7JY (UK).