Clocsacin

TƏRKİBİ: Levofloksasin – 500 mq.

FARMAKOLOJİ QRUPU: Flyorxinolon qrupundan olan geniş təsir spektrinə malik antibakterial preparat.

FARMAKOLOJİ XÜSUSIYYƏTLƏRİ: Clocsacin bakteriya hüceyrələrində II-ci tip topoizomeraza  ferment  qrupuna aid olan DNT -girazanı blokada edərək DNT-nin əmələgəlmə prosesini pozmaqla və bakteriya hüceyrəsinin divarını dağıtmaqla güclü bakteriosid təsir göstərir.

Clocsacin bu mikroorqanizmlərə qarşı:  Enterococcus faecalis,  Staphylococcus aureus,  Staphylococcus epidermidis, Streptococcus pneumoniae,  Streptococcus pyogenes  və  Streptococcus agalactiae,  Enterobacter sakazakii,  Escherichia coli, Haemophilus influеnzае,  Haemophilus parainfluenzae,  Klebsiella pneumoniae,  Klebsiella oxytoca,  Legionella pneumoniae,  Moraxella catarrhalis,  Proteus mirabilis, Pseudomonas aeruginosa,  Pseudomonas fluorescens,  Chlamydia pneumoniae, Mycoplasma pneumoniae,  Acinetobacter anitratus,  Acinetobacter baumannii,  Acinetobacter calcoaceticus,  Bordetella pertussis, Citrobacter diversus,  Citrobacter freundii,  Morganella morganii,  Proteus vulgaris,  Providencia rettgeri,  Providcncia stuartii,  Serratia marcescens,  Clostridium perfringens yüksək həssaslığa malikdir.

Farmakokinetika:  Daxilə qəbul olunduqdan sonra, mədə-bağırsaq traktından  sürətlə və demək olar ki tamamilə sorulur.  Qida qəbulu preparatın sorulmasına az təsir etdiyindən biomənimsənilmə 99% təşkil edir.  Qan plazmasında  C_max-ya  preparatın qəbulundan bir saat ərzində toplanır  və   500 mq doza qəbulu zamanı müvafiq olaraq 5.2 mkq/ml çatır. Plazma zülalları ilə birləşməsi 30-40% təşkil edir. Orqan və toxumalara yüksək penetrasiya etdiyindən 500 mq dazada təyini zamanı: ağ ciyər toxumasında 11,3 mkq/ml, bronxiların selikli qişasıda 8,3 mkq/ml, bəlğəmdə 10,8 mkq/ml doza həddinə çatır və bu dozanı 4-8 saat saxlamış olur; sidik-cinsiyyət sistemi orqanlarında 8,1- 11,3 mkq/ml, prostat vəzi toxumasında 8,7-8,2 mkq/ml, sidikdə isə 100-150 mkq/ml doza həddinə çatır və bu dozanı  24-36 saat saxlamış olur. Clocsacin polimorfonuklear leykositlər və makrofaqlarla daşınma imkanlarına malik olduğundan iltihablaşmış toxumada sağlam toxumaya nisbətən daha da yüksək konsentrasiyalar toplayır. T_1/2 – 6-8 saat təşkil edir. Orqanizmdən əsasən böyrəklərlə-90 %, nəcislə-5  %, tər və tənəffüslə isə 4-5 % xaric edilir.

GÖSTƏRİŞLƏRİ:

• Aşağı tənəffüs orqanlarının infeksion-iltihabi xəstəlikləri: kəskin və xroniki bronxit, pnevmoniya, bronxopnevmoniya, plevrit.
• Yuxarı tənəffüs orqanlarının infeksion-iltihabi xəstəlikləri: rinit, sinusit (frontit, haymorit, eytmodit, sfenoidit), kəskin və xroniki otit.
• Sidik yollarının və böyrəyin infeksion-iltihabi xəstəlikləri: sistit, uretrit, pielonefrit.
• Reproduktiv orqanlarının infeksion-iltihabi xəstəlikləri: kişilərdə – balanit, orxit, epididimit, orxoepididimit, prostatit; qadınlarda – vulvit, vaginit, vulvavaginit, salpingit, ooforit, salpinqo-ooforit, iltihabi kistalar.
• Qarın boşluğu orqanlarının infeksion-iltihabi xəstəlikləri: qastrit, duodenit, kolit, pankreatit, xolesistit, xolangit.
• Dəri və yumşaq toxumaların infeksion-iltihabi xəstəlikləri: iltihabi ateroma, abses, furunkul, karbunkul.
• Sümük və oynaqların infeksion-iltihabi xəstəlikləri: artrit, osteoartrit, osteomielit.
• Cərrahiyyə əməliyyatından əvvəl və sonra profilaktika məqsədi ilə.

QƏBUL QAYDASI VƏ DOZALANMASI:  Tabletlər daxilə yeməkdən qabaq və ya yemək arasında  maye ilə qəbul edilir.  Gündəlik doza həddi prosesin ağırlıq dərəcəsinə uyğun seçilir.

Aşağı tənəffüs orqanlarının infeksion-iltihabi xəstəlikləri: kəskin bronxitdə 1 tablet gündə 1 dəfə – 5 gün;  xroniki bronxitdə 1 tablet gündə 1 dəfə – 7-10 gün; plevrit, pnevmaniya və bronxopnevmaniyada 1 tablet gündə 2 dəfə – 7-10 gün.

Yuxarı tənəffüs orqanlarının infeksion-iltihabi xəstəlikləri: kəskin proseslərdə 1 tablet gündə 1 dəfə – 10-14 gün; xroniki proseslərdə isə 1 tablet gündə 2 dəfə – 10-14 gün.

Sidik yollarının və böyrəyin infeksion-iltihabi xəstəlikləri: kəskin proseslərdə 1 tablet gündə 1 dəfə – 5-7 gün; xroniki proseslərdə isə 1 tablet gündə 1 dəfə – 7-10 gün.

Reproduktiv orqanlarının  infeksion-iltihabi xəstəlikləri: kişilərdə – kəskin proseslərdə 1 tablet gündə 1 dəfə – 7-10 gün; xroniki proseslərdə isə 1 tablet gündə 1 dəfə -10-14 gün;  qadınlarda – kəskin proseslərdə 1 tablet gündə 1 dəfə – 7-10 gün; xroniki proseslərdə isə 1 tablet gündə 1 dəfə – 10-14 gün.

Qarın boşluğu orqanlarının infeksion-iltihabi xəstəliklər:. kəskin proseslərdə 1 tablet gündə 1 dəfə – 7-10 gün; xroniki proseslərdə isə 1 tablet gündə 1 dəfə – 10-14 gün.

Dəri və yumşaq toxumaların infeksion-iltihabi xəstəlikləri: 1 tablet gündə 1 dəfə – 7-10 gün.

Sümük və oynaqların infeksion-iltihabi xəstəlikləri: artritdə 1 tablet gündə 1 dəfə – 7-10 gün; osteoartritdə 1 tablet gündə 1 dəfə – 10-14 gün; osteomielitdə 1 tablet gündə 1-2  dəfə – 14-21 gün.

Cərrahiyyə əməliyyatından əvvəl və sonra profilaktika  məqsədi ilə: 1 tablet gündə 1 dəfə – 7-10 gün, təyinat əməliyyatdan 2 gün əvvəl başlayır.

Ağır, kəskin proseslər zamanı gündəlik doza 2 tabletə qədər artırıla bilər, müalicə müddət olduğu kimi saxlanılmaq şərti ilə.

Böyrək xəstəliyi zamanı disfunksiya dərəcəsinə görə doza azaldılır: КК=20-50 ml/dəq olduqda – 250 mq sutkada 1-2 dəfə,  КК=10-19 ml/dəq – 250 mq 36  saatdan 1 dəfə,  КК<10 ml/dəq olduqda – 250  mq   48 saatdan 1 dəfə verilir . Müalicə müddəti 7-10 gündür. (14 günə kimi).

ƏLAVƏ TƏSİRLƏRİ: Ürəkbulanma, ishal, anoreksiya,  abdominal ağrı, disbakterioz, qan təzyiqinin  azalması, taxikardiya, baş ağrısı, başgicəllənmə, zəiflik, yuxululuq, yuxusuzluq, artralqiya, mialqiya, vətər cırılması, hiperkreatininemiya, fotosensibilizasiya, qaşınma,  bronxospazm.

DİGƏR DƏRMAN VASİTƏLƏRİ İLƏ QARŞILIQLI TƏSİRİ: Levofloxacin T_1/2  siklosporinin təsirini gücləndirir. Levofloxacinin təsirini bağırsaq motorikasını zəiflədən sukralfat, maqnezium və alüminium tərkibli antasid vasitələr və dəmir duzları  azaldır (belə halda bu preparatların qəbulu arasında 2 saatdan cox müddət olmalıdır).

HAMİLƏLİK VƏ LAKTASİYA: Clocsacinin hamiləlik zamanı istifadəsi o vaxt mümkündür ki, terapiyanın əhəmiyyəti dölə olan potensial riskdən vacib olsun. Clocsacin ana südündə aşkar olunmayıb, lakin ofloxacin üçün alınan məlumata əsasən Clocsacin ana südünə daxil ola bilər və buna əsasən ana südü ilə qidalanan  uşaqlarda ciddi mənfi reaksiya verə bilər. Süd verən qadınlarda (dərmanın ana üçün  əhəmiyyətini nəzərə alaraq) ya südvermə, ya da Clocsacinin qəbulu dayandırılmalıdır.

ƏKS GÖSTƏRİŞLƏRİ: Hiperhəssaslıq, epilepsiya, xinolonlarla aparılmış müalicədən sonra vətər zədələnməsi, laktasiya, hamiləlik. 18 yaşa qədər uşaqlar və yeniyetməlik dövründə.

İSTİFADƏ MÜDDƏTİ: Qutunun və blisterlərin üzərində göstərilir. İstifadə müddəti bitdikdən sonra qəbulu qəti qadağandır.

SAXLANMA QAYDASI: Quru və uşaqların əli çatmayan yerdə 26ºC-dən yuxarı olmayan temperaturda saxlanılmalıdır.

BURAXILIŞ FORMASI: 500 mq  film-örtüklü tabletlər № 7.

MƏHSULUN VƏ ƏMTƏƏ NİŞANININ SAHİBİ:  “Novator Pharma” LLP, Böyük Britaniya.

İSTEHSAL EDİLİR: “ARAFARMA GROUP”,  İspaniya. “NOVATOR PHARMA” UK xüsusi sifarişi ilə