Tornaxon 1q

TƏRKİBİ: Seftriakson – 1 q

FARMAKOTERAPEVTİK QRUPU: Antibiotik və antibakterial maddə. Sistem istifadə üçün nəzərdə tutulmuş beta-laktam antibiotiki.

İSTİFADƏSİNƏ GÖSTƏRİŞLƏRİ: Seftriakson Na geniş təsir spektrli sefalosporin qrupu antibiotikdir. Seftriakson in vitro bir çox Qram (+) və Qram (–) bakteriyalara, o cümlədən β-laktamaza ifraz edən bakteriyalara qarşı effektivdir.

• Yuxarı tənəffüs sistemi və LOR orqanlarının infeksion-iltihabi xəstəlikləri: Faringit, angina, sinusitlər, tonzillit, otit.
• Aşağı tənəffüs sistemi orqanlarının infeksion-iltihabi xəstəlikləri: Bronxit, pnevmoniya, plevrit.
• Sidik sistemi orqanlarının infeksion-iltihabi xəstəlikləri: Pielonefrit, sistit, uretrit .
• Cinsiyyət sistemi orqanlarının infeksion-iltihabi xəstəlikləri: Qadınlarda – vaginit, servisit, salpingit, ooforit, salpinqooforit. Kişilərdə – prostatit, epididimit, orxit.
• Veneroloji infeksiyalar: Qonoreya, yumşaq şankr.
• Həzm traktının infeksion – iltihabi xəstəlikləri: Qastrit, duodenit, kolit, pankreatit, xolesistit, xolangit.
• Dəri və yumşaq toxumanın infeksion-iltihabi xəstəlikləri: Frunkul, karbunkul, impentiqo.
• Ağız boşluğu orqanlarının infeksion-iltihabi xəstəlikləri: Odontogen kistalar.
• Dayaq hərəkət sisteminin infeksion-iltihabi xəstəlikləri: Artrit, reaktiv artrit, osteomelit.
• Sinir sistemi orqanlarının infeksion iltihabi xəstəlikləri: Meningit, infeksion iltihabi nevritlər.
• Cərrahi müdaxilələr zamanı profilaktika məqsədi ilə.

Preparat immunodefsiti olan xəstələrdə istifadə oluna bilər.

ƏKS GÖSTƏRİŞLƏRİ: Seftriaksona və ya digər sefalosporinlərə qarşı hiperhəssaslıq.

Penisillinə və ya digər β-laktam antibiotiklərinə qarşı müşahidə olunmuş sürətli hiperhəssaslıq reaksiyası. Yenidoğulmuşlarda hipoalbuminemiya, asidoz və bilirubini birləşdirməyə təsir edən hər hansı bir patoloji vəziyyət olduqda, fizioloji sarılıq olan yenidoğulmuşlarda TORNAXONun istifadəsi qadağandır.

İSTİFADƏSİ İLƏ ƏLAQƏDAR XÜSUSİ XƏBƏRDARLIQLAR: Seftriaksonla müalicəyə başlamazadan əvvəl xəstənin seftriaksona və ya hər hansı β-laktam antibiotikinə hiperhəssaslıq halı öyrənilir. Hər hansı sefalosporinə qarşı hiperhəssaslığı olan və ya digər β-laktam antibiotiklərinə qarşı sürətli hiperhəssaslıq reaksiyası müşahidə olunmuş şəxslərdə seftriaksonun istifadəsi qadağandır. TORNAXONu tərkibində kalsium olan hər hansı bir məhlulla bir yerdə istifadə etmək qadağandır. Paralel təyinat zamanı, kalsium tərkibli inyeksion preparatlar TORNAXONun istifadəsindən 48 saat sonra istifadə olunmalıdır.

DİGƏR DƏRMAN VASİTƏLƏRİ İLƏ QARŞILIQLI TƏSİRİ: TORNAXONun diuretiklərlə eyni zamanda təyini zamanı böyrək funksiyalarına mənfi təsiri aşkar olunmamışdır. Aminoqlikozidlərlə birgə istifadəsi zamanı onların nefrotoksikliyini artırması aşkara çıxarılmamışdır. Seftriakson molekulunda N-metil-tio-tetrazol həlqəsi olmadığından o, digər sefalosporinlər kimi alkoqolla birlikdə qəbulu zamanı disulfirama bənzər reaksiyalar törətmir.

XÜSUSİ GÖSTƏRİŞLƏRİ: Seftriaksonun 56 %-i böyrək, 44 % -i isə qaraciyərlə xaric olunduğundan böyrək çatışmazlığı olan xəstələrdə (əgər qaraciyər pozğunluğu yoxdursa) dozanı aşağı salmaq lazım gəlmir. Ancaq preterminal böyrək çatışmazlığı hallarında maksimal dozanı 2q-a qədər azaltmaq lazımdır. Qaraciyər çatışmazlığı: Əgər böyrək funksiyalarında pozulma yoxdursa dozanı azaltmaq lazım gəlmir. Hepatorenal catışmazlıq zamanı: Belə xəstələrdə zədələnmənin dərəcəsinə müvafiq olaraq TORNAXONun yeridilməsi üçün requlyar interval seçilməlidir.

Yenidoğulmuşlar: Maksimal doza sutkada 50 mq/kq olmalıdır. Yarımatılma dövrü 6-8 saat təşkil edir.

Yaşlılar: Əgər qaraciyər və böyrək çatışmazlığı yoxdursa böyüklər üçün nəzərdə tutulmuş dozadan istifadə etmək lazımdır.

HAMİLƏLİK VƏ LAKTASİYA DÖVRÜNDƏ İSTIFADƏSİ: Hamilələrdə yalnız mütləq göstəriş olduğu hallarda istifadə olunmalı və ciddi həkim nəzarəti altında həyata keçirilməlidir.

İSTİFADƏ QAYDASI VƏ DOZALANMASI: 12 yaşdan böyük uşaqlar və böyüklər: Standart sutkalıq doza 1 q hər 24 saatdan bir (Kəskin infeksiyalarda sutkada 2-4 q).

Yenidoğulmuşlar (2 həftədən yuxarı): Sutkada bir dəfə 20-50 mq/kq. Uşaqlar (3 həftədən 12 yaşa qədər olan): standart doza 20-50 mq/kq sutkada 1 dəfə. Kəskin infeksiyalar zamanı dozanı 80mq/kq-a qədər artırmaq olar. 50 kq və daha yuxarı çəkiyə malik uşaqlara böyüklər üçün nəzərdə tutulmuş dozadan istifadəetmək lazımdır. 50 mq/kq-dan yuxarı olan dozalar 30 dəq. müddətində yavaş intravenoz infuziya şəklində yeridilməlidir.

Yaşlılar: Əgər onlarda qaraciyər və böyrək catışmazlığı yoxdursa onda böyüklər üçün nəzərdə tutulmuş dozadan istifadə etmək lazımdır. Doza və yeridilmə üsulu infeksiyanın ağırlıq dərəcəsindən asılıdır. Müalicə müddəti 5-14 gün təşkil edir. Ehtiyac olarsa kurs müddətini artırmaq olar. Təkrari kurs müalicədən 2 ay sonra tətbiq edilə bilər.

Əməliyyat önü profilaktika: Əməliyyatdan əvvəl 1 q əzələdaxili və ya venadaxili istifadə etmək olar.

Preparat açıldıqdan (məhlul hazırlandıqdan) dərhal sonra istifadə olunmalıdır. Əgər preparat açıldıqdan müəyyən müddət sonra vurularsa onda preparatın saxlanma şəraiti və müddəti ilə bağlı məsuliyyəti hazırlayan şəxs daşıyır. Əgər +2 və +8°C-də saxlanılarsa preparatı 24 saat ərzində istifadə etmək olar. 25°C-dən aşağı temperaturda preparatı 6 saat saxlamaq olar.

Saxlanma müddəti, şəraiti və həlledicinin növündən asılı olaraq preparatın rəngi açıq sarıdan, kəhraba sarıya qədər dəyişə bilər.

Əzələdaxili yeritmək üçün məhlul: Əzələdaxili inyeksiya: 1 q TORNAXON 3,5 ml lidokain hidroxloriddə həll olunur. Hazır məhlul dərin əzələdaxili inyeksiya şəklində yeridilir, 1 q-dan böyük dozaları müxtəlif nahiyələrə yeritmək lazımdır.

Venadaxili inyeksiya: 1 q TORNAXON  10 ml inyeksiya üçün suda həll edilir. Alınmış məhlul venadaxilinə 2-4 dəq. ərzində yeridilməlidir.

Venadaxili infuziya: 2 q TORNAXON tərkibində kalsium olmayan hər hansı 40 ml məhlulda həll edilir. Bu məqsədlə 5 və ya10 %-li qlükoza məhlulu, natrium xlorid məhlulu, 6%-li dekstran istifadə oluna bilər. Alınmış məhlul 30 dəq. ərzində venadaxilinə yeridilməlidir.

Doza həddinin aşılmasi: Müşahidə olunmayıb.

ƏLAVƏ TƏSİRLƏRİ: Ümumiyyətlə, TORNAXONa tolerantlıq yaxşıdır. Əlavə təsirləri adətən zəif və keçici olur. Ən çox rast gəlinən əlavə təsirlərə diareya və ya formalaşmamış nəcis, nisbətən az təsadüf edilən təsirlərə isə ürəkbulanma, qusma, qlossit, stomatit aiddir. Dəri reaksiyalarından makropapulyar səpgi, ekzantema, qaşınma, məxmərəyə bənzər səpgilər, ödem və allergik reaksiyalar müşahidə oluna bilər.

Yararlılıq müddəti, qutunun üzərində qeyd edilmişdir. Saxlanma müddəti bitdikdən sonra istifadəsi qadağandır.

BURAXILIŞ FORMASI: Alüminiumla əhatə olunmuş teflonlu rezin qapaqlı təmiz şüşə flakon.

Flakonlar içlik vərəqi ilə birlikdə karton qutuda olur.

TORNAXON 1q/3,5 ml poroşok və həlledici əzələdaxili inyeksiya üçün.

 MƏHSULUN VƏ ƏMTƏƏ NİŞANININ SAHİBİ:  “Novator Pharma” LLP, Böyük Britaniya.

İSTEHSAL EDİLİR: “Laboratories Farmaceutico”, İtaliya, “NOVATOR PHARMA” UK xüsusi sifarişi ilə.